Një zëdhënës i Ministrisë së Mbrojtjes Kombëtare të Kinës tha të mërkurën se stërvitjet e fundit me shumë subjekte të kryera nga Ushtria Çlirimtare e Popullit Kinez(PLA) në ujërat rreth ishullit Tajvan janë plotësisht të ligjshme, të domosdomshme dhe të arsyeshme.

Zhang Xiaogang i bëri këto komente në përgjigje të një pyetjeje përkatëse në një konferencë shtypi.

Komanda e Zonës Lindore të PLA zhvilloi të martën stërvitje ushtarake ndaj subjekteve të ndryshme në ujërat në veri, jug dhe lindje të ishullit Tajvan.

Foto nga CMG

Të mërkurën, flota e aeroplanmbajtësit Shandong u dislokua për të simuluar goditje ndaj objektivave tokësore dhe detare në zonat në lindje të ishullit.

Zhang dënoi autoritetet e Tajvanit për kryerjen e pamatur të veprimeve provokuese për të kërkuar “pavarësinë e Tajvanit” dhe përshkallëzimin e tensioneve midis dy anëve të ngushticës së Tajvanit.

Stërvitjet ushtareke e PLA demonstruan vendosmërinë dhe vullnetin për të mbrojtur sovranitetin kombëtar dhe tërësinë territoriale, duke shërbyer si një kërcënim i fortë për separatistët që nxisin qëllimisht konflikte, tha zëdhënësi.

Foto nga CMG

Duke vënë në dukje se “pavarësia e Tajvanit” dhe paqja në ngushticë janë po aq të papajtueshme sa zjarri dhe uji, Zhang tha se ata që luajnë me zjarrin do të digjen vetë përfundimisht.

“Sa më shumë provokime të bëjnë, aq më shpejt do të përballen me vdekjen e tyre,” tha Zhang.

Zëdhënësi tha gjithashtu se disa vende – nëse vërtet dëshirojnë paqe dhe stabilitet në Ngushticë – duhet t’i përmbahen parimit të “një Kine” dhe të ndalojnë dërgimin e sinjaleve të gabuara për forcat pro “pavarësisë së Tajvanit”.

Zëdhënësi i diplomacisë kineze, Guo Jiakun/Foto nga Ministria e Punëve të Jashtme e Kinës

Po të mërkurën, Ministria e Punëve të Jashtme e Kinës deklaroi se akuzat nga disa vende dhe organizata ndaj stërvitjeve ushtarake rreth ishullit Tajvan janë të pabaza dhe shtrembërojnë të vërtetën, duke ndërhyrë në punët e brendshme të Kinës. Kështu u shpreh një zëdhënës i diplomacisë kineze, Guo Jiakun, duke shtuar që pala kineze shpreh pakënaqësi të thellë dhe kundërshtim të vendosur ndaj këtyre akuzave.

Ai vuri në dukje më tej që Kina nuk do të lejojë asnjë individ ose forcë për ta ndarë Tajvanin nga Kina në çfarëdo mënyrë, duke shtuar se Kina do të ndërmarrë të gjitha masat e nevojshme për të mbrojtur sovranitetin dhe tërësinë e vet territoriale.

Burimi CGTN