Ligjvënësi më i lartë i Kinës Zhao Leji theksoi të premten luftimin me vendosmëri të aktiviteteve separatiste të “pavarësisë së Tajvanit” dhe frenimin e ndërhyrjes nga forcat e jashtme.

Zhao, kryetar i Komitetit të Përhershëm të Asamblesë Kombëtare Popullore të Kinës(organi suprem legjislativ i vendit), i bëri këto komente në një simpozium në Pekin në kuadrin e 20 vjetorit të zbatimit të ligjit kundër secesionit. Ai theksoi njëkohësisht rëndësinë e avancimit të palëkundur të çështjes së ribashkimit të vendit.

Gjatë 20 viteve të fundit, vendi ka pasuruar më tej kornizë ligjore për ndëshkimin e aktiviteteve separatiste pro “pavarësisë së Tajvanit”, ka luftuar me vendosmëri kundër separatizmit dhe ka kundërshtuar ndërhyrjet, duke përmirësuar sistemet dhe politikat që kontribuojnë në shtimin e mirëqenieve të bashkatdhetarëve të Tajvanit, vuri në dukje ai.

“Zgjidhja e çështjes së Tajvanit dhe realizimi i ribashkimit të plotë të Kinës është një aspiratë e përbashkët e gjithë kombit kinez,” shtoi Zhao.

Ai theksoi nevojën për të forcuar besimin dhe vendosmërinë në çuarjen përpara të ribashkimit të atdheut.

Kjo përfshin ruajtjen e sovranitetit kombëtar dhe të tërësisë territoriale, lehtësimin e shkëmbimeve dhe bashkëpunimit ndërmjet dy brigjeve të ngushticës dhe promovimin e kulturës kineze për të krijuar një ndjenjë të fortë komuniteti për kombin kinez, tha ai.

Folësit në simpoziumin e së premtes përfshinin drejtorin e Zyrës së Çështjeve të Tajvanit të qeverisë qendrore, kreun e Komitetit të Kushtetutës dhe Ligjit të AKP-së, komandantin e Komandës së Teatrit Lindor të Ushtrisë Çlirimtare Popullore dhe një përfaqësues të bashkatdhetarëve të Tajvanit.

Po të premten, qeveria qendrore kineze shpalli edhe kundërshtim të fortë ndaj fjalëve të fundit të autoriteteve tajvaneze pro “pavarësisë” së ishullit.

Nëse separatistët në Tajvan tejkalojnë vijën e kuqe, do të ndërmerren veprime të vendosura si kundërpërgjigje, theksoi të enjten një zëdhënës i pjesës kontinentale të Kinës.

Chen Binhua, zëdhënës për Zyrën e Çështjeve të Tajvanit të Këshillit Shtetëror, i bëri komentet menjëherë pasi udhëheqësi i Tajvanit Lai Ching-te promovoi edhe një herë të ashtuquajturën “pavarësi të Tajvanit”, gjatë një fjalimi të mbajtur pak më herët.

Lai, në fjalimin e tij, deklaroi se Tajvani është një “vend sovran i pavarur dhe demokratik” duke përdorur mashtrimin e “kërcënimit nga pjesa kontinentale e Kinës”.

Chen tha se fjalët e Lait dëshmuan se ai është një “diversant i pastër i paqes ndërmjet ngushticave” dhe “krijues i krizave të ngushticave”.

Zëdhënësi Chen Binhua përsëriti se Tajvani është një pjesë e patjetërsueshme e territorit të Kinës, nuk ka qenë dhe nuk do të jetë kurrë një vend.

Burimi: CGTN