Gonxhja: Operatori i Blerjeve të Përqendruara, model për miradministrimin e fondeve publike

Ministri i Ekonomisë, Kulturës dhe Inovacionit, Blendi Gonxhja e cilësoi Operatorin e Blerjeve të Përqendruara si një ndër entitetet model për miradministrimin e fondeve publike duke theksuar se po bën revolucion në fushën e prokurimit publik


Ministri i Ekonomisë, Kulturës dhe Inovacionit, Blendi Gonxhja e cilësoi Operatorin e Blerjeve të Përqendruara si një ndër entitetet model për miradministrimin e fondeve publike duke theksuar se po bën revolucion në fushën e prokurimit publik.

Gonxhja reagoi sot pas disa lajmeve në portale mbi tenderin për shërbimin e pastrimit të Spitalit Psikiatrik “Ali Mihali” në Vlorë, duke i cilësuar ato si të pavërteta.

“OBP nuk e meriton baltën, por as ia përton askujt për t’ia përplasur faktet që hedhin poshtë lajmet e rreme! Çfarë mjerimi të shpifësh e të gënjesh mbi punën e ekipit të OBP-së, një prej enteve shqiptare model për miradministrimin e fondeve publike dhe që po bën revolucion në fushën e prokurimit publik”, tha ai.

Më herët, edhe vetë OBP i ka përgënjeshtruar lajmet, duke sqaruar se procedurat e prokurimit janë zhvilluar në përputhje të plotë me ligjin.

“Në lidhje me lajmin e publikuar nga portali JOQ mbi tenderin për shërbimin e pastrimit të Spitalit Psikiatrik “Ali Mihali” në Vlorë, Operatori i Blerjeve të Përqendruara (OBP) dëshiron të sqarojë opinionin publik dhe të përgënjeshtrojë pretendimet e pavërteta dhe tendencioze të ngritura në këtë raportim”, thuhet në deklaratën e OBP-së.

Sipas deklaratës, ky tender është zhvilluar në mënyrë të hapur, transparente dhe në përputhje të plotë me legjislacionin e prokurimit publik.

“Të gjithë operatorët ekonomikë që kanë marrë pjesë kanë pasur mundësinë të konkurrojnë dhe të ankimohen në mënyrë të barabartë, pa asnjë favorizim. Komisioni i Prokurimit Publik ka konfirmuar rregullsinë e procesit. Pas përfundimit të procedurës nga OBP, Komisioni i Prokurimit Publik (KPP) ka shqyrtuar dhe lënë në fuqi vendimin e institucionit tonë, duke konfirmuar se vlerësimi i ofertave dhe përzgjedhja e fituesit është bërë në përputhje me kriteret ligjore dhe pa asnjë ndikim tjetër”, thuhet më tej në deklaratë.

Sipas OBP-së, oferta fituese ka plotësuar të gjitha kriteret ligjore dhe ekonomike.

“Oferta e kompanisë fituese ka qenë 33,427,236 lekë të reja më e ulët se fondi limit, duke përfaqësuar një ulje prej rreth 25%, çka tregon për një garë të hapur dhe konkurruese. Dokumentacioni i paraqitur nga operatori fitues ka qenë i rregullt dhe i verifikuar nga autoritetet përkatëse, duke përmbushur të gjitha kërkesat ligjore. Pretendimet janë të pavërteta dhe spekulative. Nuk ekziston asnjë provë apo fakt që mbështet spekulimet e hedhura”, deklaron OBP.

Burimi ATSH

Lexo më shumë nga

Bergner: Transparenca dhe llogaridhënia, thelbësore për besimin e qytetarëve dhe integrimin në BE

Instituti Shqiptar i Shkencave prezantoi projektin “Qendra e Monitorimit Dixhital dhe Transparencës për Prokurimin Publik”, nismë që mbështetet nga Ambasada…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Bergner: Transparenca dhe llogaridhënia, thelbësore për besimin e qytetarëve dhe integrimin në BE

Instituti Shqiptar i Shkencave prezantoi projektin “Qendra e Monitorimit Dixhital dhe Transparencës për Prokurimin Publik”, nismë që mbështetet nga Ambasada…