Ministri i Shtetit për Marrëdhëniet me Parlamentin dhe drejtuesi politik i Partisë Socialsite për Diasporën, Taulant Balla bëri të ditur sot se do të shikohet mundësia e ndryshimit të afateve të regjistrimit të kandidatëve për zgjedhjet e 11 majit, në mënyrë që KQZ të bëjë gati në kohë fletën e votimit.

I ftuar në një studio televizive, Balla theksoi se marrëdhënia e PS-së me diasporën ka qenë gjithmonë një marrëdhënie e fortë.

“PS është e vetmja parti politike që sa herë është diskutuar reforma zgjedhor i vemti kusht ishte vota e diasporës. Ne e mbajtëm fjalën për këtë. Kemi një gjë që duhet të zgjidhim sapo të nisë Kuvendi, ndryshimin e afateve për regjistrimin e kandidatëve për t’i mundësuar KQZ-së të bëhë gati fletën e votimit në kohë. Me kodin aktual është datat 21 mars si afat kur duhet të depozitohen kandidatët. Kjo dëmton afatin e dorëzimit të fletëve të votimit. E mira do të ishte që ky proces të mbyllej në 4 mars, kur mbyllet regjistrimi i votuesve jashtë vendit”, tha Balla.

Sipas tij, PS është e vetmja parti politike që ndër vite ka pasur në strukturat e saj drejtuese përfaqësues të diasporës.

“Diaspora është një gjyqtar i paanshëm dhe di të gjykojë progresin e dukshëm në Shqipëri vitet e fundit. Ne kemi barazuar vlerën e votës të qytetarët në Shqipëri me qytetarin jashtë”, tha Balla.

Burimi ATSH