Në sallën e seancave plenare në Kuvendin e Shqipërisë u zhvillua mbledhja e Komisionit të Monitorimit të Asamblesë Parlamentare të Këshillit të Evropës.

Mogen Jensen, në cilësinë e zëvendëskryetarit të këtij komisioni përgëzoi organizatorët e këtij aktiviteti, duke u shprehur se “Shqipëria për herë të parë ka kaluar nga monitorimi i plotë në dialogun post-monitorues”.

“Po e shfrytëzoj këtë mundësi që të përgëzoj organizatorët shqiptarë dhe gjithë delegacionin e huaj që ka lejuar Shqipërinë të kalojë nga monitorimi i plotë në dialogun post-monitorues. Mund të keni vënë re që Bullgaria nuk është në axhendën tonë dhe kjo ka qenë kërkesë e delegacionit të Bullgarisë që nuk kishin mundësi të vinin këtu për shkak të angazhimeve të papritura që patën. Do të kemi një diskutim tjetër në janar me ta”, tha Jensen.