Prezenca e OSBE-së dhe Universiteti i Elbasanit hapin Klinikën e Ligjit për personat në nevojë

Klinika do t’u shërbejë edhe studentëve, duke vënë në praktikë njohuritë e marra gjatë studimeve.


Në Universitetin e Elbasanit u përurua sot Klinika e Ligjit, në të cilën, pedagogë dhe studentë të vitit të pestë të Drejtësisë do të ofrojë këshillim ligjor falas për personat në nevojë.

Ngritja e klinikës u bë e mundur falë bashkëpunimit dyvjeçar të Universitetit me Prezencën e OSBE-së, e cila ka dhuruar edhe pajisje kompjuterike, literaturë ligjore dhe trajnim për studentët.

Klinika do t’u shërbejë edhe studentëve, duke vënë në praktikë njohuritë e marra gjatë studimeve.

“Nëpërmjet përfshirjes në klinikë, jo vetëm që do të zhvilloheni si juristë të ardhshëm, por dhe si avokatë me dhembshuri e drejtësi. Keni fuqinë të ndikoni qenësishëm në jetën e individëve dhe familjeve në nevojë”, u tha studentëve kryetari i Prezencës, ambasadori Michel Tarran.

Klinika e Ligjit ofron këto shërbime: informon shtetasit për legjislacionin në fuqi; për të drejtat dhe detyrimet; i orienton ata se si të veprojnë për zgjidhjen e mosmarrëveshjeve; harton shkresa drejtuar institucionit me të cilin personi është në konflikt; si edhe ndihmon shtetasit në plotësimin e formularëve për përfitimin e këtij shërbimi dhe në plotësimin e dokumenteve të nevojshme.

Ndihma Juridike Parësore është një shërbim ligjor pa pagesë, i garantuar nga shteti, e cila ofrohet për mosmarrëveshjet që mund të zgjidhen pa qenë e nevojshme që t’i adresohesh gjykatës.

Ndihmën juridike parësore falas e përfitojnë të gjithë shtetasit në pamundësi ekonomike dhe ata që u përkasin kategorive të veçanta si viktimat e dhunës në familje, të abuzimit seksual, trafikimit të qenieve njerëzore, të mitur, personat me aftësi të kufizuara dhe përfituesit e skemës të mbrojtjes sociale.

(ATSH)

Lexo më shumë nga

Bergner: Transparenca dhe llogaridhënia, thelbësore për besimin e qytetarëve dhe integrimin në BE

Instituti Shqiptar i Shkencave prezantoi projektin “Qendra e Monitorimit Dixhital dhe Transparencës për Prokurimin Publik”, nismë që mbështetet nga Ambasada…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Bergner: Transparenca dhe llogaridhënia, thelbësore për besimin e qytetarëve dhe integrimin në BE

Instituti Shqiptar i Shkencave prezantoi projektin “Qendra e Monitorimit Dixhital dhe Transparencës për Prokurimin Publik”, nismë që mbështetet nga Ambasada…