Strategjia ndërsektoriale kundër korrupsionit, Gonzato: Efektiviteti i saj, do të përcaktohet nga cilësia e zbatimit

Ambasadori i Bashkimit Evropian në Tiranë, Silvio Gonzato: Nevojiten ndryshime reale në luftën kundër korrupsionit


Ambasadori i Bashkimit Evropian në Tiranë, Silvio Gonzato në fjalën e tij gjatë prezantimit të strategjisë ndërsektoriale kundër korrupsionit 2024-2030, e vuri theksin tek efektiviteti i kësaj strategjie.

Gonzato tha se nevojiten ndryshime reale në luftën kundër korrupsionit dhe sipas tij, efektiviteti i kësaj strategjie do të përcaktohet nga cilësia e zbatimit.

Ambasadori shtoi se duhet shkuar përtej hetimeve administrative. Ai theksoi se nevojiten ndryshime të matshme, kryesisht në sektorët më të ekspozuar ndaj korrupsionit.

“Raporti për Shqipërinë nga KE përgëzon arritjet e SPAK, por thekson nevojën për më shumë rezultate në luftën kundër korrupsionit.

Prezantimi i strategjisë në kohën e duhur edhe në këndvështrimin e punës që po zhvillohet brenda komisionit të posaçëm parlamentar për thellimin e reformave, mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian.

Shumë prej çështjeve që komisioni do të identifikojë mund të trajtohen nga zbatimi efektiv i kësaj strategjie. Strategjia ka shanset më të mira për t’ia dalë me sukses.

Vëmendja te sektorët e ekspozuar për korrupsionin, kadastra, shëndetësia, arsimi, administrata tatimore, doganore dhe prokurimet publike, mjaft e mirëpritur. Strategjia është themelore, efektiviteti i saj i vërtetë do të përcaktohet nga cilësia e zbatimit. Duhet të shkojmë përtej hetimeve administrative. Na duhet të shohim ndryshim real, të matshëm, sidomos në sektorët më të ekspozuar ndaj korrupsionit”, u shpreh Gonzato.

Ambasadori shtoi se strategjia e re kundër korrupsionit, është gur kilometrik thelbësor në rrugën e transparencës, llogaridhënies dhe të ardhmes së Shqipërisë drejt Bashkimit Evropian.

“Korrupsioni minon institucionet dhe jetët e qytetarëve, pengon zhvillimin ekonomik dhe pengon rrugët drejt mirëqenies. Për një vend kandidat të BE-së të luftosh korrupsionin është përgjegjësi që u detyrohet qytetarëve që kërkojnë të jetojnë në një shoqëri të drejtë dhe të barabartë. Ky është themeli për anëtarësim në BE.

Anëtarësimi në BE ka të bëjë me vlerat dhe standardet që Shqipëria duhet të mbajë”, tha ai.

(ATSH)

Filo: Turizëm gjatë gjithë vitit në Korçë, po shtohen vizitorët nga vendet fqinje

Prej vitesh turizmi në Korçë ka njohur vetëm rritje. Edhe sezoni veror që lamë pas nuk bëri dallim nga ky…

Global 360

Presidenti i Këshillit Evropian, Costa: Zgjerimi i BE-së, investim strategjik për paqen dhe të ardhmen e kontinentit

Presidenti i Këshillit Evropian, Antonio Kosta, deklaroi sot se zgjerimi i Bashkimit Evropian është një nga sfidat më domethënëse dhe…

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Humanizmi sot në shoqëri sfidë për njerëzimin!

Humanizmi sot nuk është thjesht një koncept filozofik, por një nevojë absolute shoqërore dhe morale.

Profil

Elisabeta Katiaj – Zëri i gruas në biznes dhe në diasporë

Si nënkryetare e Dhomës së Biznesit të Diasporës Shqiptare, Katiaj ka ndihmuar në ngritjen e një platforme të fortë për…

Masmedia

Filo: Turizëm gjatë gjithë vitit në Korçë, po shtohen vizitorët nga vendet fqinje

Prej vitesh turizmi në Korçë ka njohur vetëm rritje. Edhe sezoni veror që lamë pas nuk bëri dallim nga ky…