Kryeministri Edi Rama, deklaroi sot se, ushtarakët shqiptarë janë të dytët më të paguar në rajon.

Në një takim me pensionistët e Korçës për të diskutuar me ta mbi skemën e pensioneve, Rama tha se, “faktikisht ne kishim ushtrinë më të keqpaguar, por sot kemi ushtrinë e dytë më të paguar të rajonit”.

Rama tha se qeveria do të vazhdojë të mbështesë ushtarakët.

“Ne ushtarakët duam t’i çojmë në mesataren e NATO-s”, u shpreh Rama.

Kryeministri tha se, ushtarakët trashëguan pensione dhe paga që ishte skandaloze.

“Ndaj sot meritojnë atë që kanë marrë, mbase meritojnë edhe më shumë, por ne kemi bërë sa mundëm”, u shpreh kryeministri.

Ndërsa Drejtori i Përgjithshëm i Institutit të Sigurimeve Shoqërore, Astrit Hado shpjegoi se, një ish-ushtarak merr sot pensionin nga paga normale plus një pension minimal nga shteti.

Sipas tij, pagat e ushtarakëve ndryshojnë në varësi të gradave dhe një muaj ndryshim në pagë jep efekt në përllogaritjen e pensionit.