Rama në Berlin, nënshkruan deklaratat për tregun e përbashkët dhe arsimin e lartë në rajon

Në kuadër të Samitit të Procesit të Berlinit 2024, Kryeministri Edi Rama nënshkroi sot në Gjermani deklaratat për Tregun e Përbashkët Rajonal të Ballkanit Perëndimor dhe për pranim e studim në Arsimin e Lartë.


Në kuadër të Samitit të Procesit të Berlinit 2024, Kryeministri Edi Rama nënshkroi sot në Gjermani deklaratat për Tregun e Përbashkët Rajonal të Ballkanit Perëndimor dhe për pranim e studim në Arsimin e Lartë.

Deklaratat e nënshkruara sot në Berlin synojnë krijimin e një plani të ri veprimi për një treg të përbashkët rajonal dhe rritjen e aksesit në institucionet e arsimit të lartë në rajon.

Rama po merr pjesë në punimet e Samitit të Procesit të Berlinit 2024, me ftesë të kancelarit gjerman Olaf Scholz.

Samitit i Procesit të Berlinit 2024 mblodhi në Berlin krerët e shteteve dhe qeverive të gjashtë vendeve të Ballkanit Perëndimor, Shqipërisë, Bosnjë-Hercegovinës, Malit të Zi, Kosovës, Maqedonisë së Veriut dhe Serbisë, si dhe përfaqësues të vendeve anëtare të Bashkimit Europian të përfshira në proces.

E pranishme në këtë takim ishte edhe presidentja e Komisionit Evropian, Ursula von der Leyen, e cila mori pjesë në samit në emër të BE-së.

Procesi i Berlinit u iniciua në vitin 2014 nga ish-kancelarja gjermane, Angela Merkel dhe qëllimi kryesor i formatit që në fillim ka qenë t’u mundësojë vendeve të Ballkanit Perëndimor të afrohen më shumë me BE-në – në mënyrë që të përmbushin rekomandimet e bëra në BE në Selanik në 2003, kur këtyre vendeve iu premtua anëtarësimi në BE.

Tirana mikpriti një vit më parë (16 tetor 2023) Samitin e Liderëve të Procesit të Berlinit 2023, i cili u mbajt për herë të parë jashtë kufijve të BE-së, me pjesëmarrjen e 6 kryeministrave të rajonit, si dhe përfaqësuesve të nivelit të lartë dhe organizmave ndërkombëtare të mbi 25 vendeve.

(Marrë nga ATSH)

Lexo më shumë nga

Sejko: Në 7 tetor nisin pagesat në zonën SEPA, hap drejt integrimit financiar europian

Gjatë fjalës së tij në Konferencën e Ambasadorëve, Guvernatori i Bankës së Shqipërisë, Gent Sejko, deklaroi se Shqipëria nis zyrtarisht…

Global 360

Presidenti i Këshillit Evropian, Costa: Zgjerimi i BE-së, investim strategjik për paqen dhe të ardhmen e kontinentit

Presidenti i Këshillit Evropian, Antonio Kosta, deklaroi sot se zgjerimi i Bashkimit Evropian është një nga sfidat më domethënëse dhe…

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Humanizmi sot në shoqëri sfidë për njerëzimin!

Humanizmi sot nuk është thjesht një koncept filozofik, por një nevojë absolute shoqërore dhe morale.

Profil

Koçi Tahiri, veprimtar i respektuar i elitës intelektuale dhe i politikës shqiptare

"Pishtari i Demokracisë" dhe ish-deputet (2017-2021) ka veprimtari të gjerë aktive 35-vjeçare, me karakter krahinor dhe kombëtar.

Masmedia

Sejko: Në 7 tetor nisin pagesat në zonën SEPA, hap drejt integrimit financiar europian

Gjatë fjalës së tij në Konferencën e Ambasadorëve, Guvernatori i Bankës së Shqipërisë, Gent Sejko, deklaroi se Shqipëria nis zyrtarisht…