“Studio në Shqipëri” është nisma e re e Ministrisë së Arsimit dhe Sportit, në bashkëpunim me universitetet për të informuar maturantët mbi potencialin dhe mundësitë që ofrojnë programet e studimit.

Ministrja e Arsimit dhe Sportit, Ogerta Manastirliu tha se “universitetet shqiptare ofrojnë partneritete me institucione prestigjioze europiane, diploma dyfishe, programe në gjuhë të huaj, degë të kërkuara në tregun e punës, që të rinjtë të zgjedhin rrugën e duhur për të ardhmen e tyre”.

Nga data 30 korrik-4 gusht maturantët mund të aplikojnë online në U-Albania për përzgjedhjen e programeve të studimit.

Në një një video të publikuar nga ministrja Manastirliu, maturantët njihen me ofertën akademike të Universitetit të Tiranës: Këtë vit janë 3 programe tw reja studimi-Bachelor.

Fakulteti i Shkencave të Natyrës ofron Kimi Farmaceutike, Fizikë dhe Shkenca Kompjuterike; Fakulteti i Gjuhëve të Huaja ofron Gjuhë Frënge dhe Gjuhë e Shenjave Shqipe; Fakulteti i Ekonomisë ofron një program të ri Master: Siguri informacioni dhe informacion strategjik.

Fakulteti i Ekonomisë ofron 4 programe Bachelor në gjuhë të huaj: Ekonomikë, Financë, Administrim Biznesi, Informatikë Ekonomike.

12 programe Master në Gjuhë të Huaj, (shqip-anglisht)

Fakulteti i Shkencave të Natyrës : Shkenca e të dhënave dhe Inteligjenca Artificiale; Biologji Mjedisore.

Fakulteti i Drejtësisë ofron Drejtësi (PI) dhe Instituti i Studimeve Europiane ofron Politika dhe qeverisja në Europë.

Programe Master në Gjuhë të Huaj;

Fakulteti i Shkencave Sociale ofron : Drejtësi Tranzitore, Etika në institucione dhe lidership, Shërbime Sociale në Drejtësinë Penale, Çështje të Fëmijëve dhe të Familjes, Komunikim për Ndryshim Social dhe të Sjelljes, Shkenca Politike Integrimi dhe Qeverisja.

Programe Master në Gjuhë të Huaj;

Fakulteti i Historisë dhe Filologjisë ofron Gazetari Investigative dhe Sistemi i Informacionit Gjeografik të Aplikuar.

Diploma Dyfishe;

Fakulteti i Shkencave të Natyrës me Universitetin “Tuscia”, Itali ofron Bachelor në “Shkencat Natyrore Mjedisore”.

Fakulteti i Gjuhëve të Huaja me Universitetin Sorbonne Paris Nord, Francë ofron Master i Shkencave në “Trajtimi Automatik i Gjuhëve” me drejtim “Trajtimi Informatik dhe gjuhësor i Dokumenteve të Shkruara”.

Diploma Dyfishe

Fakultet i Ekonomisë me Universitetin La Sapienza Romë, Itali ofron Master Ekzekutiv në “Siguri Informacioni dhe Informacion Strategjik”

Fakulteti i Shkencave Sociale me Universitetin e Salzburgut, ULJU, UKIM, Kolegji Fama, UBT, SST dhe UET ofron Master i Shkencave në “Shkenca Politikë-Integrimi dhe Qeverisja”.

(Marrë nga ATSH)