Presidentja e Kosovës, Vjosa Osmani ka uruar Shtetet e Bashkuara të Amerikës në përvjetorin e 248-të të shpalljes së pavarësisë.

Osmani, përmes një postimi në profilin e saj në rrjetin social Facebook, ka shkruar se Kosova sot feston krahas popullit amerikan.

Aleancë që vazhdon t’i mbijetojë kohës dhe sfidave! Sot, populli i Kosovës feston krahas popullit amerikan. Sot, kujtojmë vlerat e idealet mbi të cilat janë ndërtuar Shtetet e Bashkuara dhe aleanca jonë e fuqishme! Aleatëve tanë amerikanë: Gëzuar 4 Korriku! Happy Fourth of July”, ka shkruar Osmani. /KosovaPress/