Kryetari i bashkisë së Vlorës, Ermal Dredha zhvilloi një takim me përfaqësuesit e Hellenic Seaplanes dhe Hellenic Water Airports në Janinë, Greqi.

Gjatë takimit ata diskutuan për planet për ndërtimin e portit të hidroplanëve në Vlorë.

Dredha tha se “ky projekt do të transformojë infrastrukturën tonë turistike dhe do të ofrojë një përvojë unike, të shpejtë, fleksibël dhe të sigurt udhëtimi për qytetarët dhe vizitorët e Vlorës, duke i afruar më shumë me bukuritë e Vlorës dhe të Shqipërisë”.

Qyteti bregdetar i Vlorës pret çdo vit turistë nga vende të ndryshme të botës, të cilët zgjedhin të zbulojnë bukuritë e fshehura të bregdetit jonian. (ATSH)