Begaj në Junik: Lufta dhe sakrifica e dëshmorëve unikale për lirinë e Kosovës

Më herët sot Presidenti Begaj bëri homazhe në Kompleksin Memorial të Dëshmorëve në Gllogjan. Ndërsa, komuna e Deçanit e nderoi me titullin “Qytetar nderi i Deçanit”.


Presidenti Bajram Begaj ka nisur sot vizitë dyditore në Kosovë dhe Juniku ishte ndalesa e dytë e tij, pas Deçanit.

Sipas njoftimit për shtyp të Presidencës, Begaj u prit nga kryetari i komunës së Junikut, Ruzhdi Shehu, i cili e vlerësoi si të jashtëzakonshëm kontributin e Shqipërisë për Kosovën si edhe rolin e Kreut të Shtetit në promovimin e saj.

Presidenti Begaj u shpreh se e çmon me shumë rëndësi këtë vizitë në Junik për të nderuar të rënët e luftës për çlirimin e Kosovës.

“Erdha sot në Junik për të nderuar vlerat e luftës dhe rezistencës së shqiptarëve të Kosovës kundër regjimit të Sllobodan Milloshevicit”, – deklaroi Presidenti Begaj.

Presidenti i Shqipërisë nderoi me një buqetë me lule veprën e luftëtarit të UÇK-së, Edmond Hoxha, të vrarë nga forcat serbe, si dhe dëshmorët e tjerë, viktima të masakrave të vitit 1998.

Kreu i Shtetit bëri homazhe dhe vendosi kurorë lulesh në kompleksin memorial të Koshares, ku prehen dëshmorët e betejave të përgjakshme, çlirimtare dhe luftëtarë të Ushtrisë Çlirimtare të Kosovës.

Presidenti i Shqipërisë theksoi se “në betejën e lavdishme të Koshares u bashkëngjitën komandantët e UÇK-së pa dallim politik. Ndër ta dëshmorët Agim Ramadani, Sali Cekaj dhe Xhemal Fetahaj, të cilët, Presidenti Rugova, me të drejtë, i ka nderuar si “Dëshmorë të Kosovës”.

“Lufta dhe sakrifica e dëshmorëve dhe banorëve të trevave të Junikut, Deçanit, Gjakovës dhe Pejës ka qenë unikale dhe kontributi i tyre është i jashtëzakonshëm për lirinë që gëzon sot Kosova”.

Më herët sot Presidenti Begaj bëri homazhe në Kompleksin Memorial të Dëshmorëve në Gllogjan. Ndërsa, komuna e Deçanit e nderoi me titullin “Qytetar nderi i Deçanit”.

(ATSH)

Lexo më shumë nga

Bergner: Transparenca dhe llogaridhënia, thelbësore për besimin e qytetarëve dhe integrimin në BE

Instituti Shqiptar i Shkencave prezantoi projektin “Qendra e Monitorimit Dixhital dhe Transparencës për Prokurimin Publik”, nismë që mbështetet nga Ambasada…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Bergner: Transparenca dhe llogaridhënia, thelbësore për besimin e qytetarëve dhe integrimin në BE

Instituti Shqiptar i Shkencave prezantoi projektin “Qendra e Monitorimit Dixhital dhe Transparencës për Prokurimin Publik”, nismë që mbështetet nga Ambasada…