Frashëri: AKEP përafrim me kuadrin europian në fushat e tij të kompetencës

Autoriteti i Komunikimeve Elektronike dhe Postare (AKEP) paraqiti këtë të hënë në Komisionin për Veprimtaritë Prodhuese, Tregtinë dhe Mjedisin, Raportin për vitin 2023.


Autoriteti i Komunikimeve Elektronike dhe Postare (AKEP) paraqiti këtë të hënë në Komisionin për Veprimtaritë Prodhuese, Tregtinë dhe Mjedisin, Raportin për vitin 2023.

Tomi Frashëri, kryetari i Këshillit Drejtues të AKEP, në fjalën e tij gjatë paraqitjes së Raportit, u shpreh se veprimtaria e AKEP për vitin 2023 mori një dimension të veçantë në kuadër të 25-vjetorit të themelimit të Entit Rregullator Kombëtar në fushën e komunikimeve elektronike dhe postare. “AKEP është autoritet i pavarur i krijuar me ligj dhe institucion publik me detyra të mirëpërcaktuara”, tha Frashëri.

“Raporti që i paraqitet sot Kuvendit të Shqipërisë dhe publikut të gjerë pasqyron në fakte dhe shifra një angazhim të shtuar të institucionit në fushat e tij të kompetencës, por edhe intensifikimin e bashkëpunimeve dhe koordinimeve në nivele të ndryshme kombëtare, rajonale dhe ndërkombëtare, jetike për zhvillimin e qëndrueshëm në sektorët e komunikimeve elektronike dhe të shërbimeve postare”, theksoi Frashëri.

Më tej, ai theksoi dy arritje që shkojnë përtej kuadrit të ngushtë të punëve të mira të institucionit, përkatësisht në procesin e suksesshëm të përafrimit normativ me kuadrin europian të sektorëve nën përgjegjësi të tij, si edhe në hartimin dhe përpunimin e ligjit të ri “Për komunikimet elektronike në Republikën e Shqipërisë”, ku AKEP ka dhënë një kontribut të qenësishëm.

Më tej, Frashëri analizoi në shifra dhe detaje për vitin 2023, sektorin postar, sipërmarrësit e shërbimeve postare, tregun e komunikimeve elektronike, operatorët e rrjeteve celulare etj.

Relatori i çështjes, deputeti Laert Duraj, vuri në dukje se nga 13 rekomandime që i janë lënë AKEP, janë plotësuar 5 prej tyre, përfshirë këtu edhe një prej rekomandimeve kryesore që Kuvendi i la AKEP, atë për krijimin e ligjit të ri për Komunikimet Elektronike dhe Postare, i cili ishte një ligj i ri i domosdoshëm në këtë fazë.

Mbledhja vazhdoi me diskutime të ndryshme.

(Marrë nga ATSH)

Presidenti Begaj dekreton 16 ministra të kabinetit të ri qeverisës

Presidenti Bajram Begaj, me propozim të Kryeministrit Edi Rama, dekretoi sot ministrat e qeverisë së re, si dhe i përcolli…

Global 360

Protesta në Hagë, Rama: Asgjë tjetër përveç drejtësisë, për Kosovën dhe çlirimtarët e saj

Kryeministri Edi Rama deklaroi sot se shqiptarët kërkojnë vetëm drejtësi për Kosovën dhe çlirimtarët e saj.

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Humanizmi sot në shoqëri sfidë për njerëzimin!

Humanizmi sot nuk është thjesht një koncept filozofik, por një nevojë absolute shoqërore dhe morale.

Profil

Elisabeta Katiaj – Zëri i gruas në biznes dhe në diasporë

Si nënkryetare e Dhomës së Biznesit të Diasporës Shqiptare, Katiaj ka ndihmuar në ngritjen e një platforme të fortë për…

Masmedia

Presidenti Begaj dekreton 16 ministra të kabinetit të ri qeverisës

Presidenti Bajram Begaj, me propozim të Kryeministrit Edi Rama, dekretoi sot ministrat e qeverisë së re, si dhe i përcolli…