Sesioni i dytë i legjislaturës së 14-të Asamblesë Kombëtare Popullore të Kinës mbajti të premten
paradite në Pekin mbledhjen e vet dytë plenare, gjatë së cilës u dëgjuan raportet e punës të
Komitetit të Përhershëm të Asamblesë Kombëtare Popullore, të Gjykatës së Lartë Popullore, si
edhe të Prokurorisë së Lartë Popullore.

Sesioni i dytë i legjislaturës së 14-të AKP-së, 8 mars 2024, Pekin(Foto:Xinhua)

Liderë shtetërorë si Xi Jinping, Li Qiang, Wang Huning, Cai Qi, Ding Xuexiang, Li Xi, Han
Zheng etj. morën pjesë në mbledhjen.

Zhao Leji, në raportin e punës të Komitetit të Përhershëm të AKP-së(organ më i lartë ligjvënës) të
drejtuar nga ai, u zotua të forcojë zbatimin e Kushtetutës dhe mbikëqyrjen e shkeljes së
Kushtetutës në vitin e ardhshëm, duke ngritur nivelin e punës legjislative për të ofruar garanci
ligjore për nxitjen e gjithanshme të rilindjes kombëtare përmes modernizimit kinez.

Sipas tij, Komiteti i Përhershëm i AKP-së do të përpilojë një projekt-ligj të mjedisit për shqyrtim,
do të formulojë ligje për stabilizimin financiar dhe promovimin e sektorit së ekonomisë private, në
mënyrë të përshpejtojë krijimin e një modeli të ri zhvillimi dhe thellimin e reformës së
gjithanshme.

Deputetët dëgjojnë raportet e punës (Foto:Xinhua)

Me fokus në përmirësimin e mirëqenies publike, dhe sigurisë, qëndrueshmërisë e harmonisë
sociale, organi më i lartë legjislativ do të formulojë ligje që janë përkatësisht për zbatimin e
detyrueshëm të gjykimeve civile dhe për dhënien e ndihmës sociale.

Gjithashtu, AKP-ja do të formulojë një ligj tarifor, të rishikojë Ligjin për Shëndetësi dhe
Karantinën Kufitare dhe Ligjin Kundër Pastrimit të Parave, në një përpjekje për të forcuar
legjislacionin në fushat që përfshijnë punët e jashtme dhe për të zhvilluar një sistem ligjesh që
zbatohen jashtë vendit, do të forcojë shkëmbimet dhe bashkëpunimi me parlamentet e vendeve të
tjera.

Sipas raportit, vitin e kaluar, Komiteti i Përhershëm i AKP-së diskutoi 34 çështje legjislacioni dhe
miratoi 21 prej tyre.

Legjislacioni lidhur me ekonominë dhe mirëqenien e njerëzve është forcuar, vuri në dukje Zhao,
duke bërë të ditur se AKP-ja ka rishikuar plotësisht “Ligjin e kompanive” për të përmirësuar
sistemin modern korporativ me karakteristika kineze, ka formuluar një ligj për mjedisin pa pengesa për të krijuar sistemet e rregulloret e duhura për ndërtimin e strukturave pa pengesa dhe ka lehtësuar zgjidhjen e vështirësive dhe të problemeve më të ngutshme që ndeshin të moshuaritdhe njerëzit me aftësi të kufizuara.

Deputetët dëgjojnë raportet e punës (Foto:Xinhua)

Ai tha po ashtu se Komiteti i Përhershëm i AKP-së përmirësoi kuadrin ligjor për mbrojtjen e mjedisit, duke vënë në dukje se është hartuar një ligj mbi ruajtjen ekologjike të rrafshnaltës Qinghai-Xizang dhe është rishikuar “Ligji për mbrojtjen e mjedisit detar.

Duke përmirësuar legjislacionin për të mbrojtur sigurinë kombëtare, organi më i lartë ligjvënës
formuloi një ligj të sigurisë ushqimore dhe bëri rishikimin e “Ligjit kundër spiunazhit”, duke konsoliduar themelet ligjore për përmirësimin e sigurisë ushqimore dhe duke ofruar më shumë mjete ligjore për luftën kundër infiltrimit, subversionit dhe vjedhjes së sekreteve, tha ai.

Komiteti i Përhershëm i AKP-së gjithashtu futi në fuqi ligjin e marrëdhënieve të jashtme dhe
rishikoi “Kodin e procedurës civile” për të promovuar zhvillimin e një mjedisi biznesi të orientuar nga tregu e të mbështetur në ligj, në përputhje me standardet ndërkombëtare, shtoi Zhao.

Burimi: CRI.CN