Presidenti i Republikës, Bajram Begaj, përkujtoi sot 104-vjetorin e Kongresit të Lushnjës.

“Përfaqësues nga gjithë trevat shqiptare u mblodhën në Kongresin e Lushnjës (21-31 janar 1920) për të shpëtuar Shqipërinë nga rreziku i copëtimit”, u shpreh Begaj në një postim në rrjetet sociale.

“Delegatët rishpallën besën për mëvetësi të plotë dhe integritet territorial të Shqipërisë”, theksoi Begaj.

“Atdhetarë të vërtetë, ata lanë ndasitë dhe u bënë bashkë duke vënë mbi gjithçka interesin kombëtar. Nderim për modelin e tyre patriotik!”, u shpreh Kreu i Shtetit. (ATSH)