Nga Dr. Bledar Kurti

Masakra e Reçakut

 “BASTI”
(një histori e vërtetë)

Ushtarët e panë gruan shtatzënë dhe vunë bast nëse foshnja që mbarte ishte djalë apo vajzë. E më pas ia hapën barkun me bajoneta për të parë se kush e kishte fituar bastin.

(Pikturë nga Dr. Bledar Kurti.
Vaj në kanavacë – 210×150 cm – 1999)

Më 15 janar 1999, në fshatin Reçak në Kosovë u vranë e u masakruan barbarisht 45 shqiptarë të paarmatosur.

Masakra në Reçak tmerroi mbarë botën dhe u hapi sytë diplomacisë botërore duke nxitur shtetet të mobilizoheshin për Kosovën.

Tmerret në Reçak ilustruan planin gjenocidal të Sllobodan Millosheviçit.

Konferenca ndërkombëtare në Rambuje e në Paris nuk pati sukses duke nxitur kështu ndërhyrjen e NATO-s kundër forcave ushtarake serbe.

Reçaku tronditi globin. Shefi i misionit të OSBE-së, William Walker shkoi në vendin e krimit dhe duke drejtuar gishtin nga lugina e masakrës tha tri fjalë: Krim kundër njerëzimit.

Nga ai moment historia e popullit të Kosovës mori rrjedhë tjetër, e pas shumë mundimesh, gjaku të heronjve, jetëve të civilëve të pafajshëm, sakrificave të jashtëzakonshme, kulmoi me pavarësinë e Kosovës më 17 shkurt 2008. Tashmë shtet sovran, Kosova ecën denjësisht në rrugëtimin e saj evropian.