Begaj me trupin diplomatik: Shqipëria do të vijojë të japë kontributin për paqe në rajon

Begaj: Angazhimi i Shqipërisë në arenën ndërkombëtare do të vijojë paralelisht me të gjitha reformat e filluara në vend


Presidenti Bajram Begaj siguroi sot se Shqipëria do të vijojë të ketë politikë të jashtme dhe të sigurisë të linjëzuara me Bashkimin Evropian dhe SHBA-në, si dhe do të angazhohet në forcimin e multilateralizmit dhe të bashkëpunimit rajonal.

Në pritjen e fillimivitit me trupin diplomatik të akredituar në Tiranë, Kreu i Shtetit u ndal te sfidat dhe kërcënimet me të cilat po përballet sot bota por edhe rajoni.

Begaj theksoi se Shqipëria do të vijojë të japë kontributin për paqe në rajon dhe më gjerë, sepse paqja është themeli i mirëqënies, sigurisë, zhvillimit të qëndrueshëm dhe respektit të ndërsjellë.

Duke folur për situatën në Kosovë, Begaj tha se mbështetja e BE-së dhe bashkësisë ndërkombëtare për kryerjen e hetimeve të thelluara për identifikimin dhe dënimin e nxitësve dhe të autorëve të ngjarjes në Banjskë është e domosdoshme.

Sipas tij, “zgjidhja e mosmarrëveshjeve Kosovë-Serbi nuk është vetëm një çështje politike, por edhe një çështje sigurie për rajonin dhe Europën”.

Ndërsa përshëndeti vendimin e BE-së për liberalizimin e vizave me qytetarët e Kosovës, Begaj ripërsëriti kërkesën që vendet që ende nuk e kanë njohur Kosovës, ta njohin si një realitet të pakthyeshëm.

Begaj garantoi po ashtu se angazhimi i Shqipërisë në arenën ndërkombëtare do të vijojë paralelisht me të gjitha reformat e filluara në vend, në veçanti me reformën në drejtësi, luftën kundër korrupsionit, rritjen e transparencës dhe llogaridhënies nga institucionet publike, si dhe përpjekjet për drejtësi sociale.

“Vitin e kaluar Shqipëria njohu zhvillime pozitive dhe të suksesshme në disa fusha, ndër të cilat mund të veçojmë turizmin, sportin dhe kulturën. Arritjet e vitit të shkuar do të pasurohen nga ngjarje të reja gjatë vitit 2024. Të tillë e quaj 10-vjetorin e Procesit të Berlinit, që shpresoj se do të gjejë një rajon më bashkëpunues dhe më pranë BE-së”, tha ai.

Në këtë drejtim, Kreu i Shtetit shprehu bindjen se edhe Bashkimi Evropian do vijojë t’i kushtojë vëmendjen e duhur e të veçantë Ballkanit Perëndimor.

“Është me rëndësi që rajoni të mbështetet dhe të krijohen mekanizmat që mundësojnë jo vetëm linjëzim politik, por edhe përparim ekonomik dhe lehtësira për jetën e përditshme të qytetarëve. Për shqiptarët në rajon, anëtarësimi në BE është çështje e interesit kombëtar. Faktori shqiptar ka kontribuar dhe do të vijojë të kontribuojë për paqen dhe sigurinë e rajonit”, theksoi Presidenti Begaj.

Rama: Trashëgimia kulturore me skemë të re menaxhimi dhe promovimi ndërkombëtar

Skema parashikon jo vetëm restaurim dhe konservim, por edhe ndërtimin e infrastrukturës bashkëkohore për vizitorët, krijimin e itinerareve të reja…

Global 360

Presidenti i Këshillit Evropian, Costa: Zgjerimi i BE-së, investim strategjik për paqen dhe të ardhmen e kontinentit

Presidenti i Këshillit Evropian, Antonio Kosta, deklaroi sot se zgjerimi i Bashkimit Evropian është një nga sfidat më domethënëse dhe…

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Humanizmi sot në shoqëri sfidë për njerëzimin!

Humanizmi sot nuk është thjesht një koncept filozofik, por një nevojë absolute shoqërore dhe morale.

Profil

Koçi Tahiri, veprimtar i respektuar i elitës intelektuale dhe i politikës shqiptare

"Pishtari i Demokracisë" dhe ish-deputet (2017-2021) ka veprimtari të gjerë aktive 35-vjeçare, me karakter krahinor dhe kombëtar.

Masmedia

Rama: Trashëgimia kulturore me skemë të re menaxhimi dhe promovimi ndërkombëtar

Skema parashikon jo vetëm restaurim dhe konservim, por edhe ndërtimin e infrastrukturës bashkëkohore për vizitorët, krijimin e itinerareve të reja…