Kryetarja e Kuvendit, Lindita Nikolla ishte sot pjesë e ditës së dytë të Samitit III të Diasporës. Në një postim në rrjetet sociale, Nikolla tha se asnjëherë më parë shqiptarët nuk kanë pasur pozitën më të mirë dhe prestigjin ndërkombëtar më të lartë sesa sot.

“Koordinimi i përpjekjeve dhe krijimi i sinergjive që Shqipëria, Kosova shqiptarët nëpër botë dhe Luginën e Preshevës, bashkë me diasporën shqiptare anembanë Planetit, të përballojnë sfidat e përbashkëta të zhvillimit, mirëqenies, konsolidimit të institucioneve demokratike, modernizimit të shoqërive, integrimit rajonal dhe integrimeve euroatlantike”, u shpreh Nikolla.

Samiti III i Diasporës u zhvillua sot në Tiranë, ku morën pjesë përfaqësues të lartë shtetërorë dhe pothuajse 20 mijë përfaqësues nga Diaspora në shtete të ndryshme të botës.