“The Guardian”: Banjat e Bënjës mes nëntë ujërave termale më terheqëse natyrore në Evropë
E përditshmja britanike: Banjat termale të Bënjës në jug të Shqipërisë janë një perlë e vërtetë.
Kabinat e saunave në plazhe dhe banjat termale luksoze në terrene janë ndër vendet që udhëtarët dëshirojnë për t’u çlodhur, shkruan në një artikull e përditshmja britanike “The Guardian”.
Banjat e Bënjës të Shqipërisë janë renditur mes nëntë ujërave termale më terheqëse natyrore në Evropë.
Pafundësia e kaltër, Shqipëria
Banjat termale të Bënjës në jug të Shqipërisë janë një perlë e vërtetë.
Ujërat termale të Bënjës, te cilat njihen si Banjat Termale të Bënjës ndodhen 14 km larg qytetit te Përmetit.
Banjat termale ndodhen pranë lumit Langaricë, një degë e lumit të Vjosës, një nga lumenjtë e fundit me rrjedhje të lirë të Evropës.
Vizitorët mund ta kalojnë ditën duke u zhytur në burimet natyrore dhe duke u mbuluar me baltën e pasur me squfur, e cila thuhet se ka veti terapeutike.
Gjithashtu, vizitorët mund të shijojnë madhështinë e luginës, urën e saj të lashtë prej guri dhe pafundësinë e kaltërt të qiellit shqiptar.
Media britanike “The Guardian” ka publikuar nëntë burimet termale më të bukura natyrore në disa vende të botës:
- Ujërat termale të Bënjës, Shqipëri
- Ujërat termale në Edipsos, Greqi
- Ujërat termale në liqenin Garda, Itali
- Ujërat termale në “Salt and Ember”, Irlandë
- Ujërat termale “Széchenyi”, Budapest
- Ujërat termale në plazhin Porth Tyn Tywyn
- Ujërat termale në “Caldea spa”, Andorra
- Ujërat termale në “Moseltherme”, në Traben-Trarbach, Gjermani
- Ujërat termale në “Cieplice Śląskie-Zdrój”, Poloni
(Marrë nga ATSH)
Më shumë lajme
