Ambasadori Luigi Soreca, i Ngarkuari me Punë ad interim, takohet me ekipin e Delegacionit të BE-së ndërsa nisi të drejtojë Delegacionin deri në mbërritjen e Shefit të ri të Delegacionit në muajt e ardhshëm.

“Është një nder dhe një privilegj të jem përsëri në Tiranë në këtë moment veçanërisht të rëndësishëm për zgjerimin e BE-së dhe për procesin e integrimit të Shqipërisë në BE, si dhe në të njëjtën kohë me Samitin e ardhshëm të Procesit të Berlinit në Tiranë.

Bashkimi Evropian qëndron me vendosmëri pranë Shqipërisë në konsolidimin e progresit të arritur, thellimin e transformimit të vendit dhe nxitjen e reformave të rëndësishme që do ta sjellin Shqipërinë në BE,” tha Ambasadori Soreca.