20 gjeoterritore të përzgjedhura në rrethinat e Gjirokastrës si zona me interes të lartë turistik për nga potenciali natyror, kulturor dhe ai i trashëgimisë janë tashmë pjesë e hartës së përbashkët të një rrjeti prej 40 gjeolokacionesh 20 prej të cilave gjenden në zonën e Igumenicës dhe Artës në Greqi.

Piketat që shoqërohem me një aplikacion të dedikuar informacioni dixhital janë vendosur në fshatra dhe territore me popullsi të reduktuar si një mundësi për ti rritur këtyre zonave shanset e promovimit dhe marketingut. Ekspertë të turizmit dhe teknologjisë në Shqipëri dhe Greqi kanë punuar përgjatë një viti për të grumbulluar të dhëna tërheqëse mbi këto territore si dhe elementë të përbashkët autenticiteti duke bërë të mundur edhe rezervimin online të shërbimeve në zona të thella që ende nuk i kanë kapacitetet për të realizuar marketing dinamik.

“Ishte një punë e përbashkët që na mësoi shumë rreth destinacineve dhe shkëmbimit dinamik mes tyre. Do të donim që ky investim teknologjik dhe prania tashmë edhe e librave elektronikë të mundura për akses online ti shërbejë itinerareve të integruara për vizitorët në të tri këto territore. Teknologjia do të vazhdojë të ketë rol vendimtar në informimin mbi tregjet turistikë dhe promovimin e potencialit lokal”, tha Stylios Chrisostomos nga Departamenti i Teknologjisë dhe Informatikës në Universitetin e Janinës.

Disa nga gjeoteritorret përfituese prej këtij programi të përbashkët ndërkufitar në Gjirokastër janë kisha e lindjes së Shën Marisë në Labovën e Kryqit, ura e Kordhocës, ura e Ali Pashës mbi Gjirokastër, kalatë e Kardhiqit, Paleokastrës dhe Libohovës, kisha e Goranxisë por edhe sitet arkeologjike të Adrianopolit dhe Antigonesë. Komunitetet që banojnë rreth këtyre aseteve kanë ende një nivel mjaft të ulët ndërgjegjësimi dhe njohurish në fushën e shërbimeve dhe turizmit. Kapacitetet akomoduese janë ende minimale në raport me kërkesën dhe përmasa e braktisjes mbetet gjithashtu shumë e lartë.

Top Channel