“Maldivet ekonomike të Europës”. Kështu e përkufizon britanikja “The Sun” vendin tonë në një artikull ku nuk mungojnë vlerësimet, jo vetëm për bukuritë e plazheve me ujë të kristaltë, por edhe për shkak të çmimeve ekonomike dhe lehtësisht të përballueshme.

Në një artikull të shoqëruar edhe me video nga plazhet e bukura të rivierës shqiptare, “The Sun” shkruan se Shqipëria është kthyer në një pikë të nxehtë për pushime, e cila është rritur në popullaritet për shkak të ofertave të lira dhe plazheve të bukura dhe lehtësisht të arritshme për britanikët.

Duke evidentuar se pushuesit britanik janë dyndur këtë vit drejt Shqipërisë, artikulli iu kujton lexuesve se në Shqipëri mund të gjejnë plazhe ku birra kushton një paund apo edhe hotele me çmime të volitshme që nisin nga 20 Euro, shumë shpejt këto destinacione mund të jenë të arritshme për vetëm pak orë.

Dhe kjo falë aeroportit të ri të vlorës që po ndërtohet atje. Aktualisht, ata duhet të fluturojnë drejt qytetit të Tiranës dhe më pas me orë të tëra me makinë për të shkuar në resortin bregdetar.

Por kjo jo për shumë kohë pasi vitin tjetër me hapjen e aeroportit të Vlorës kjo gjë do jetë më e lehtë.

Aeroporti prej 90 milionë Paundësh do të ketë një pistë prej dy shumë se 2 kilometrash dhe mund të mbajë deri në dy milionë pasagjerë në vit.

Ndërsa ende nuk është konfirmuar se cilat linja do të operojnë nga ky aeroport, “The Sun” përmend faktin se një nga kompanitë britanike si Ryanair njoftoi së fundmi 17 linja të reja drejt Tiranës nga Britania e Madhe.