Dy helikopterë të Shteteve të Bashkuara të Amerikanë kanë fluturuar mbi qiellin shqiptar në nderim të Defender Europë 23, stërvitja e të cilit po kryhet në SHESHIN Nënë Tereza në Tiranë.

Ambasadorja Amerikane Yuri Kim e pranishme në stërvitjen e “Defender Europe 23” e cilësoi atë një moment të jashtëzakonshëm dhe historike.

SHBA dhe Shqipëria do të bëjnë historinë më të mirë, tha Kim, e cila risolli në kujtesë periudhën kur shqiptarët ndërtuan bunkerë nga frika e një armiqësie nga Shtetet e Bashkuara Amerikane.

“Ky është një moment i jashtëzakonshëm. Jemi me fat që jemi këtu. Shqiptarëve iu tha që SHBA ishin armiqtë dhe shqiptarët ndërtuan bunkerë. Shqipëria sot e ndryshuar është historike.

Duke nisur një histori ushtarake ndërkombëtare, jemi këtu si aleat, miq e partnerë. Dikur të ndarë veçmas, tani aleatë të NATO-s dhe partnerët më të afërt ushtarakë.

SHBA dhe NATO janë më të bashkuar se kurrë. Skënderbeu , heroi kombëtar por dhe heroi im vetjak, tha: bashkimi bën fuqinë. Nga Defender 21 SHBA-Shqipëri po bëjnë më shumë se kurrë së bahsku.

Partneritetet tona ndërkombëtare janë më të rëndësishme se kurrë. Defender 23 do na tregojë ne dhe botës, se së bashku, ne mund të kryejmë çdo mision.

Së bashku me Shqipërinë ne do bëjmë një histori më të mirë dhe të re. Jemi krah që qëndrojmë krah për krah me Shqipërinë”, tha Kim.