Kandidati i Partisë Socialiste në Tiranë, Erion Veliaj ka vijuar fushatën e takimeve elektorale në Laprakë.

Pasi mbolli së bashku me komunitetin disa pemë në këtë zonë, Veliaj tha se, në Njësinë 11 PS synon më shumë se 50% të votave në 14 Maj.

“Ne kemi thyer një mit. Kemi fituar në të 27 njësitë e Tiranës. Por në Laprakë, në Njësinë 11, ne jemi më në fund forca e parë politike e këtij komuniteti,” u shpreh Veliaj.

Ai kërkoi nga qytetarët votën për Partinë Socialiste, e vetmja që besimin e tyre e kthen në punë dhe në investimet e duhura.

“Ka një arsye pse Astiri voton PS, ka një arsye pse Liqeni i Thatë voton PS, ka një arsye pse Sauku voton PS. Ata besojnë që kush bën 40 shkolla, bën edhe 44! Kush bën 100 rrugë, bën edhe 105. Kush bën 1 milionë mbjellje pemësh mund të bëjë edhe më shumë se aq, sepse vetëm puna na çon përpara,” deklaroi Veliaj.

Drejtuesi i Partisë Socialiste të Qarkut të Tiranës, Erion Veliaj, ka deklaruar nga Lapraka se shumicën e demokratëve nuk i lidh asgjë me Ilir Metën. Duke ironizuar faktin se në fletën e votimit atyre u ofrohet të votojnë Ilir Metën dhe jo PD, Veliaj tha se ky është një poshtërim që bëhet nga dyshja Meta-Berisha, secili për hallet e veta.

“Ç’i lidh demokratët me Ilir Metën? Shqipëria i dha gjithçka Ilir Metës, president, kryeministër, ministër, gjithë jetën deputet. Saliut president, kryeministër, gjithë jetën deputet. Shqipëria u ka fal këtyre gjithçka. Dhe na doli që Ilir Meta paska qenë fuks, sigurims, 2-lekësh që shkonte spiunonte shokët. Dhe ka hall se preket nga ligji që spiunët dhe non gratat nuk vazhdojnë dot në politikë. Po a është ky halli ynë? Pse ky është halli ynë, kush ka qenë fuks? Ky është halli ynë, kush është non grata?”, deklaroi Veliaj.