“Këmbëkryq me Ndërkombëtarët”, Zingraf: Ja këshilla që mora nga ambasadori i Suedisë

Peter Zingraf foli mbi eksperiencën e tij në Shqipëri si ambasador dhe si qytetar

Nisi dje “Këmbëkryq me Ndërkombëtarët” një format diskutimi që sjell para të rinjve përfaqësues të lartë të ambasadave dhe organizatave ndërkombëtare në Shqipëri, për të folur “këmbëkryq”.

I ftuari i parë i këtij formati ishte ambasadori i Gjermanisë në Shqipëri, Peter Zingraf.

Në një bisedë miqësore me ta, Zingraf foli mbi eksperiencën e tij në Shqipëri si ambasador dhe si qytetar, u tregoi të rinjve sa shumë e do Shqipërinë ai dhe bashkëshortja e tij, si i kalojnë ata fundjavat duke ecur e njohur me shtigjet dhe malet e vendit tonë.

Kur u pyet se cilat janë gjërat që i pëlqejnë më shumë nga Shqipëria ai përmendi natyrën dhe ushqimin, si dy gjërat kryesore.

Gjatë bisedës ai tregoi se si para 4 vitesh kur sapo kishte ardhur në detyrë, i kërkoi një këshillë ambasadorit të Suedisë në Shqipëri i cili po mbyllte mandatin e tij. Këshilla që mori prej tij ishte “Fol sa më shumë me të rinjtë”, dhe vetë Zingraf tha se është munduar ta ndjekë atë këshillë gjatë këtyre viteve, prandaj organizoi këtë takim me të rinjtë e pranishëm, edhe pse së shpejti do të mbyllë mandatin e tij në Shqipëri.

Ai theksoi rëndësinë e të rinjve në një vend si Shqipëria dhe zhvillimin që ata kanë sjellë e sjellin çdo ditë në shoqëri.

Zingraf u pyet nga të rinjtë mbi eksperiencat më të bukura në Shqipëri, mbi lidershipin dhe se si mund të bëhesh një lider i mirë, mbi sfidat e të qenit ambasador, mbi marrëdhëniet me familjen dhe mbështetjen e tyre gjatë misionit të tij si ambasador, etj.

Ky format diskutimesh ka si qëllim t’i “zhveshë” këta figura nga pozicioni i tyre zyrtar e t’i sjellë ata para të rinjve si individë, si njerëz dhe qytetarë.

Ky projekt implementohet nga organizata Qendra për Ekselencë Destiny (DCE) në bashkëpunim me Kongresin Rinor Kombëtar dhe bashkinë Tiranë, për programin Tirana EYC 2022. /ATSH

Xhemali takon misionin e FMN-së, diskutime për zhvillimin e tregjeve financiare

Drejtoresha e përgjithshme ekzekutive e Autoritetit të Mbikëqyrjes Financiare (AMF), Adela Xhemali zhvilloi sot një takim me përfaqësues të misionit…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Xhemali takon misionin e FMN-së, diskutime për zhvillimin e tregjeve financiare

Drejtoresha e përgjithshme ekzekutive e Autoritetit të Mbikëqyrjes Financiare (AMF), Adela Xhemali zhvilloi sot një takim me përfaqësues të misionit…