Talibanët janë të gatshëm të krijojnë lidhje me të gjitha vendet, përveç Izraelit, tha një zëdhënës të martën, pasi grupi ekstremist shpalli qeverinë e tij të re pasi mori kontrollin mbi Afganistanin.
Zëdhënësi Suhail Shaheen tha për “Sputnik” të Rusisë se, talebanët ishin të gatshëm të punonin me SHBA-të, pasi rrëzuan me shpejtësi qeverinë 20-vjeçare të mbështetur nga Perëndimi muajin e kaluar, kur Presidenti Joe Biden po përfundonte tërheqjen për t’i dhënë fund luftës më të gjatë të Amerikës.
“Po, natyrisht, në një kapitull të ri nëse Amerika dëshiron të ketë një marrëdhënie me ne, e cila mund të jetë në interes të të dy vendeve dhe të dy popujve, dhe nëse duan të marrin pjesë në rindërtimin e Afganistanit, ata janë të mirëpritur”, tha Shaheen.
Sidoqoftë, nuk kishte asnjë shans për lidhje me Izraelin.
“Sigurisht, ne nuk do të kemi asnjë lidhje me Izraelin. Ne duam të kemi marrëdhënie me vendet e tjera, Izraeli nuk është në mesin e këtyre vendeve”, tha Shaheen.
Talibanët të martën caktuan një qeveri të përkohshme, duke përfshirë disa të kërkuar për vepra terroriste.
Talibanët emëruan kryeministrin e tyre në detyrë, Mullah Mohammad Hassan Akhund, i cili është në listën e sanksioneve të OKB-së dhe shërbeu në regjimin brutal të islamistëve 1996-2001.
Zëvendësi i tij do të jetë Mullah Abdul Ghani Baradar, një bashkëthemelues i talebanëve i cili u lirua nga Pakistani nën presionin e SHBA për të marrë pjesë në negociatat për tërheqjen e trupave amerikane.
Ministri i Brendshëm do të jetë Sirajuddin Haqqani, pjesë e një grupi terrorist të caktuar nga SHBA, pavarësisht një oferte amerikane prej pesë milionë dollarësh për informacion që do të çojë në arrestimin e tij.
Burimi: Izraeli Sot
