Ambasada e Holandës në Tiranë organizoi sot një takim me përfaqësues të institucioneve të drejtësisë shqiptare të Inspektoratit të Lartë të Drejtësisë, Këshillit të Lartë të Gjyqësorit dhe Këshillit të Lartë të Prokurorisë dhe me partnerët diplomatikë.

Në një postim në rrjetet sociale, ambasadori holandez Reinout Vos tha se “roli i institucioneve të pavarura është thelbësor për avancimin e integrimit në BE përmes zbatimit të reformave, sigurimit të pavarësisë dhe ruajtjes së llogaridhënies”.
Ndërsa Ambasada gjermane theksoi se “KLGJ, KLP dhe ILD kanë një rol të pazëvendësueshëm për ruajtjen e pavarësisë, profesionalizmit dhe integritetit të drejtësisë”.

Ambasada e Holandës tha se do të vijojë mbështetjen për punën e rëndësishme të këtyre institucioneve.