Ambasada e Holandës në Shqipëri, si pjesë e programit “Matra” ka nënshkruar një marrëveshje bashkëpunimi me Institutin për Demokraci dhe Ndërmjetësim (IDM).

Ky projekt i ri do të përqendrohet në rolin e Institucionit të Auditimit të Lartë të Shqipërisë (KLSH), në përmirësimin e përpjekjeve kundër pastrimit të parave, bën të ditur ambasada holandeze.

Qëllimi i projektit është të rrisë mbikëqyrjen publike të sistemit të Shqipërisë kundër pastrimit të parave, duke e vendosur KLSH-në si një mbikëqyrës proaktiv dhe të pavarur që promovon transparencën, koordinimin dhe angazhimin nga shoqëria civile.

Përveç kësaj, projekti do t’i ofrojë KLSH-së një metodologji të specializuar të auditimit, duke mundësuar koordinim të bazuar në prova me partnerët ndërqeveritarë, shoqërinë civile dhe sektorin privat.

Burimi ATSH