Prej sot e deri më 13 korrik (2-13 korrik 2025), Kosova dhe Shqipëria do të jenë mikpritëse të Kampionatit Evropian U16 në volejboll për vajza (CEV U16).

Kampionati Evropian për vajza fillon sot në Parkun Olimpik “Feti Borova” në Tiranë, ku hyrja do të jetë e lirë.

Federata Kosovare e Vollejbollit e vlerëson këtë aktivitet si ngjarjen më të madhe ndërkombëtare të volejbollit të zhvilluar ndonjëherë në Kosovë dhe njëra prej ngjarjeve më të mëdha në historinë e sportit të Kosovës, ku kombëtaret më të forta të kontinentit në këtë grupmoshë do të luajnë në Kosovë.

Ndeshjet e grupit A që do të luhen në Shqipëri janë: Ukrainë-Bulgari; Francë-Poloni; Shqipëri-Spanjë; Lituani-Itali.

Në grupin B, në përballjen e parë, vajzat e Kosovës do të ndeshen me skuadrën malazeze, sot në ora 20:00. Në të njëjtin grup do të ndeshen gjithashtu: Slloveni-Hungari; Greqi-Turqi; Çeki-Kroaci.

Kjo garë e rëndësishme organizohet për herë të parë bashkërisht nga Kosova dhe Shqipëria, një mundësi e madhe për afirmimin e sportit të femrave dhe përfaqësimit të denjë në arenën evropiane.

Burimi ATSH