Begaj në samitin e SEECP në Shkup: Nxitje e bashkëpunimit rajonal

Presidenti i Republikës, Bajram Begaj, në fjalën e tij gjatë Samitit të Procesit të Bashkëpunimit të Evropës Juglindore (SEECP), të mbajtur në Shkup, bëri thirrje për forcim të bashkëpunimit rajonal përballë sfidave të reja dhe për integrimin e Ballkanit Perëndimor në Bashkimin Evropian.


Presidenti i Republikës, Bajram Begaj, në fjalën e tij gjatë Samitit të Procesit të Bashkëpunimit të Evropës Juglindore (SEECP), të mbajtur në Shkup, bëri thirrje për forcim të bashkëpunimit rajonal përballë sfidave të reja dhe për integrimin e Ballkanit Perëndimor në Bashkimin Evropian.

Para krerëve të shteteve dhe qeverive nga 13 vendet anëtare të kësaj nisme, Presidenti i Shqipërisë deklaroi se, në kontekstin e sfidave të reja gjeopolitike, veçanërisht pas agresionit rus kundër Ukrainës dhe mundësive të rritura për ndërhyrje nga aktorë të tretë në rajon, rajoni i Ballkanit Perëndimor ka një rëndësi më të madhe sigurie për BE-në.

“Përparimi i procesit të integrimit në BE i vendeve të Ballkanit Perëndimor, vlerësoi Presidenti Begaj, do të thotë investim në siguri të qëndrueshme”.

Presidenti i Republikës, gjithashtu, renditi reformat e ndërmarra nga Shqipëria në përpjekje të vazhdueshme dhe të qëndrueshme për të avancuar drejt anëtarësimit në BE.

Ai u shpreh se është arritur progres i konsiderueshëm në fushat e drejtësisë, lirisë dhe sigurisë, dëshmi e angazhimit ndaj standardeve dhe parimeve të Bashkimit Evropian.

Gjatë fjalës së mbajtur në këtë samit, Presidenti i Shqipërisë vlerësoi pozitivisht rezultatet e riaktivizimit të Procesit të Berlinit dhe planin e rritjes për Ballkanin Perëndimor, si një shtysë për integrimin ekonomik rajonal dhe përshpejtimin e integrimit evropian.

”Ne kemi një mundësi para nesh për të rritur integrimin ekonomik me tregun e vetëm të BE-së dhe, në të njëjtën kohë, të nxisim integrimin ekonomik brenda Ballkanit Perëndimor përmes Tregut të Përbashkët Rajonal”, u shpreh Presidenti Begaj.

“Tregu i Përbashkët Rajonal i Ballkanit Perëndimor po shërben si një portë hyrëse drejt Tregut të Vetëm Evropian”, deklaroi Presidenti i Shqipërisë, duke theksuar se, Plani i ri i Veprimit i Tregut të Përbashkët Rajonal 2025-2028 do të krijojë ambientin e duhur për të siguruar zbatimin e plotë të Marrëveshjeve të Mobilitetit.

Në këtë samit, një vlerësim të veçantë Presidenti Begaj përcolli ndaj Shkupit për suksesin e arritur gjatë kryesimit të Procesit të Bashkëpunimit të Evropës Juglindore (SEECP), kryesim i cili i kalon Tiranës për periudhën 2024-2025. (ATSH)

Lexo më shumë nga

Rama ndan pamje nga Gjirokastra

Pamjet tregojnë një atmosferë të gjallë në rrugicat karakteristike të qytetit, ndërsa vizitorët tërhiqen nga arkitektura unike dhe mikpritja tradicionale.

Global 360

Dimal Basha zgjidhet kryetar i Kuvendit të Kosovës

Në përpjekjen e 58-të për konstituimin e Kuvendit, propozimi i Vetëvendosjes u miratua me 73 vota pro, 30 kundër dhe…

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

ÇFARË REPUBLIKE ËSHTË SHQIPËRIA SOT

Ahmet Zogu ishte i pari që kuptoi se Shqipëria mund të funksiononte si një Republike Tregtare.

Profil

Koçi Tahiri, veprimtar i respektuar i elitës intelektuale dhe i politikës shqiptare

"Pishtari i Demokracisë" dhe ish-deputet (2017-2021) ka veprimtari të gjerë aktive 35-vjeçare, me karakter krahinor dhe kombëtar.

Masmedia

Rama ndan pamje nga Gjirokastra

Pamjet tregojnë një atmosferë të gjallë në rrugicat karakteristike të qytetit, ndërsa vizitorët tërhiqen nga arkitektura unike dhe mikpritja tradicionale.