Nga Mark Simoni

PRAP DUKEJ E BUKUR

Që kur e pata takuar për herë të parë, e kam ndjerë atë magjinë e Lumo Kolleshit për ta mbushur atmosferën e bisedës me rrëfime shumë interesante dhe të çuditëshme. Ka një stil të treguari, që në pamje të parë të duket linear, por kur e lexon pak më tjetërsoj narrativën e tij, e kupton mahnitjen se ke dëgjuar diçka krejt ndryshe.

Pikërisht me këtë aparat prozodie, ka punuar ky autor, për të bërë librin e tij më të ri “Prap dukej e bukur”, (novela dhe tregime), botim i Shtëpisë Botuese MUZGU, që del sot nga shtypi. Shkrimtari Lumo Kolleshi i ka hedhur në prehër lexuesit një grusht perlash letrare, për t’ia zbukuruar kujtëdo orët e shenjta të leximit. Dhe ka ikur i qetë, mbase për të shkruar ndonjë libër tjetër.

Ajo distanca Itali Shqipëri që barit prej vitesh ky autor i njohur, është e mbushuar me ato çastet e heshtura të të menduarit, të përshkuar nga fantazia dhe frymëzimi. Dhe mbase pikërisht kjo rrugë është shtrati ku lindin tërë ato rrëfime e proza të bukura.

E gëzofsh librin e ri Lumo!