Ambasadori shqiptar në Pekin, Riza Poda, zhvilloi një takim me ministrin e Jashtëm Republikës Popullore të Kinës, Wang Yi, gjatë festimeve të Vitit të Ri Kinez të organizuar nga Ministria e Punëve të Jashtme të Kinës.

Në një postim në rrjetet sociale, ambasadori Poda deklaroi se biseda e shkurtër por kuptimplotë nxori në pah miqësinë e qëndrueshme midis Shqipërisë dhe Kinës.

“Ndërsa përqafojmë vitin e ri, pres me padurim forcimin e mëtejshëm të marrëdhënieve tona dypalëshe dhe nxitjen e një bashkëpunimi më të madh në vitet që vijnë.

U uroj të gjithëve në Kinë një Vit të Kalit të begatë dhe të gëzuar! Ky vit i ri sjelltë paqe, lumturi dhe sukses të vazhdueshëm për të gjithë”,- shkroi ambasadori Poda.

Burimi CGTN