Hasani: Shqipëria plotësisht e përkushtuar për t’u anëtarësuar në BE deri në vitin 2030

Ministri për Evropën dhe Punët e Jashtme, Igli Hasani mori pjesë në takimin e nivelit të lartë të grupit “Miqtë e Ballkanit Perëndimor” në Romë.


Ministri për Evropën dhe Punët e Jashtme, Igli Hasani mori pjesë në takimin e nivelit të lartë të grupit “Miqtë e Ballkanit Perëndimor” në Romë, i cili kishte në fokus diskutimet për sigurisë e përbashkët duke rritur bashkëpunimin në Ballkanin Perëndimor, si dhe prioritetet që çojnë në përshpejtimin e integrimit evropian të Ballkanit Perëndimor.

Pjesëmarrës në këtë aktivitet ishin ministrat e Jashtëm të vendeve të Ballkanit Perëndimor; Përfaqësuesja e Lartë e BE-së për Punët e Jashtme dhe Politikën e Sigurisë Kaja Kallas; Komisionerja e Bashkimit Evropian për Zgjerimin, Marta Kos; zëvendëskryeministri dhe ministri i Punëve të Jashtme dhe Bashkëpunimit Ndërkombëtar të Italisë, Antonio Tajani, njëherësh vend organizator i këtij takimi, si dhe anëtarët e BE-së të grupit “Miqtë e Ballkanit Perëndimor”.

Ministrat ranë dakord për rëndësinë e ringjalljes së politikës së zgjerimit dhe intensifikimin e fokusit strategjik të BE-së në rajon, veçanërisht duke marrë parasysh sfidat gjeopolitike aktuale. Lufta në Ukrainë dhe kërcënimet në rritje për sigurinë kanë treguar se integrimi i Ballkanit Perëndimor është thelbësor për sigurinë e Evropës.

Sipas ministrit Hasani, është thelbësore që Ballkani Perëndimor të vazhdojë të tregojë performancë të lartë në proceset integruese evropiane.

“Unë shoh një angazhim të vërtetë në të gjithë rajonin dhe jam i sigurt se bashkëpunimi i rregullt, samitet, takimet e nivelit të lartë do të jenë ura të rëndësishme për të hapur rrugën përpara. Për sa i përket Shqipërisë, ajo ka angazhim maksimal me rrugëtimin e saj drejt BE-së, ndërsa është në rrugën e duhur për të hapur të gjithë grup-kapitujt brenda vitit 2025, si mbylljen e negociatave deri në vitin 2027”, u shpreh Hasani.

Hasani theksoi gjithashtu rolin kritik të rajonit në sigurinë evropiane, me Shqipërinë që tashmë bashkëpunon në infrastrukturë, menaxhimin e migracionit dhe kërcënimet hibride. Ai u shpreh se Shqipëria do të organizojë Samitin e 6 të Komunitetit Politik Evropian më 16 maj 2025 në Tiranë, dhe se kjo është një mundësi kyçe gjithashtu për të diskutuar gjithashtu edhe sfidat e përbashkëta të sigurisë. Në këtë drejtim, ai ripërsëriti angazhimin e palëkundur të Shqipërisë për të kontribuar në stabilitetin rajonal dhe misionet e udhëhequra nga BE.

Ministrat diskutuan Planin e Rritjes për Ballkanin Perëndimor, duke e njohur atë si një hap përpara, por duke theksuar se ai nuk mund të zëvendësojë procesin politik të anëtarësimit në BE, i cili mbetet qëllimi kryesor.

Takimi theksoi rolin e grupit “Miqtë e Ballkanit Perëndimor” në mbështetje të aspiratave të rajonit për integrimin në BE. Shqipëria, së bashku me partnerët e saj rajonalë, mbetet e angazhuar për të punuar ngushtë me BE-në për të siguruar integrimin e plotë të rajonit deri në vitin 2030.

Në Grupin e Miqve të Ballkanit Perëndimor bëjnë pjesë Austria, Greqia, Italia, Kroacia, Republika Çeke, Sllovakia dhe Sllovenia.

Xi Jinping-u ndjek galanë për 80-vjetorin e fitores së Luftës kundër Agresionit Japonez dhe Luftës Antifashiste Botërore

Të mërkurën në mbrëmje u zhvillua në Pallatin e Madh të Popullit në Pekin galaja "Fitorja e drejtësisë", me rastin…

Global 360

Presidenti i Këshillit Evropian, Costa: Zgjerimi i BE-së, investim strategjik për paqen dhe të ardhmen e kontinentit

Presidenti i Këshillit Evropian, Antonio Kosta, deklaroi sot se zgjerimi i Bashkimit Evropian është një nga sfidat më domethënëse dhe…

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Humanizmi sot në shoqëri sfidë për njerëzimin!

Humanizmi sot nuk është thjesht një koncept filozofik, por një nevojë absolute shoqërore dhe morale.

Profil

Koçi Tahiri, veprimtar i respektuar i elitës intelektuale dhe i politikës shqiptare

"Pishtari i Demokracisë" dhe ish-deputet (2017-2021) ka veprimtari të gjerë aktive 35-vjeçare, me karakter krahinor dhe kombëtar.

Masmedia

Xi Jinping-u ndjek galanë për 80-vjetorin e fitores së Luftës kundër Agresionit Japonez dhe Luftës Antifashiste Botërore

Të mërkurën në mbrëmje u zhvillua në Pallatin e Madh të Popullit në Pekin galaja "Fitorja e drejtësisë", me rastin…