Duke pranuar faktin se, pavarësisht nga të gjitha vështirësitë e së shkuarës, sot të rinjtë – që përfaqësojnë 30% të popullsisë shqiptare – janë të integruar mirë dhe të suksesshëm në universitetet italiane, dhe kjo është një burim kënaqësie e madhe për ne, tha sot ministri i Jashtëm Igli Hasani, sipas “ItalPress”.

Hasani, mori pjesë sot, së bashku me ministren e Arsimit, Ogerta Manastirliu, ambasadoren në Selinë e Shenjtë të Vatikanit, Majlinda Frangaj dhe rreth 100 studentë dhe akademikë nga vendi ballkanik, në audiencën e përgjithshme të papa Françeskut.

“Kjo ditë, përfaqëson një mundësi shumë të rëndësishme për të rinjtë shqiptarë për t’u takuar në një moment paqeje dhe reflektimi”, tha përfaqësuesi ekzekutiv në një intervistë për “Gazzetta Diplomatica”.

“Vendosa të shoqëroj studentët tanë të universitetit tek Shenjtëria e Tij për të nënvizuar se sa rëndësi i jep qeveria jonë të rinjve, të cilët padyshim përbëjnë të ardhmen e Shqipërisë”, shtoi ai.

“Jemi krenarë që patëm mundësi te takojmë Atin e Shenjtë, në një ditë kushtuar vëllazërisë, e cila ofroi njohuri interesante mbi rëndësinë e vlerave njerëzore dhe angazhimin e përbashkët për të promovuar paqen, drejtësinë dhe dialogun ndërfetar”, tha Hasani.

“Simbolikisht dhe në rastin e kundërt, këto momente janë shumë të rëndësishme”, theksoi ai.

Gjatë vizitës në Vatikan, Hasani dhe Manastirliu u takuan edhe me sekretarin për Marrëdhëniet me Shtetin dhe Organizatat Ndërkombëtare, Paul Richard Gallagher.

“Me këtë rast, ndamë vlerësimin e përbashkët për marrëdhëniet e shkëlqyera diplomatike që ekzistojnë mes Shqipërisë dhe Selisë së Shenjtë, të cilat ne dëshirojmë absolutisht të vazhdojmë t’i kultivojmë”, tha Hasani.

Burimi ATSH