Argjentina do të tërhiqet nga Organizata Botërore e Shëndetësisë, tha sot zyra e presidentit Javier Milei, duke ndjekur hapat e SHBA-së – e cila njoftoi daljen e saj nga agjencia e OKB-së muajin e kaluar.
“Vendimi i Milei u bazua në mosmarrëveshjet e thella në lidhje me menaxhimin e shëndetit, veçanërisht gjatë pandemisë së Covid-19”, u tha gazetarëve zëdhënësi Manuel Adorni, duke shtuar se Argjentina nuk do të lejonte një organ ndërkombëtar të ndërhynte në sovranitetin e vendit.
“Masa i dha gjithashtu Argjentinës fleksibilitet më të madh për të zbatuar politika të përshtatura me kontekstin në nivel lokal, duke siguruar disponueshmëri më të madhe të burimeve”, tha zëdhënësi.
I vetëshpallur “anarko-kapitalist” Milei është një mbështetës i hapur i presidentit të SHBA-së Donald Trump, i cili nënshkroi brenda disa orësh pas kthimit të tij më 20 janar urdhrin për tërheqjen e Shteteve të Bashkuara të Amerikës nga OBSH-ja, të cilën ai e ka kritikuar lidhur me mënyrën se si trajtoi pandeminë.
Uashingtoni ishte kontribuesi më i madh në organizatën me bazë në Gjenevë, për të cilën Trump pretendoi se “na kishte shqyer” dhe tërheqja e SHBA mund t’i lërë iniciativat globale shëndetësore pa financim.
Që nga marrja e detyrës në dhjetor 2023, Milei ka shkatërruar shpenzimet publike, duke u zotuar se do të mbajë një deficit buxhetor zero pas viteve të mbishpenzimeve.
Masat e tij shtrënguese vlerësohet se kanë çuar miliona të tjerë në varfëri, por vendi gjithashtu regjistroi suficitin tregtar më të madh ndonjëherë në vitin 2024 – pjesërisht për shkak të një rënieje të importit dhe shpenzimeve.
Milei ishte lideri i parë i huaj që vizitoi Trumpin në pronën e tij në Mar-a-Lago në Florida pas fitores së republikanëve në zgjedhjet e nëntorit në SHBA.
Që nga marrja e detyrës në dhjetor 2023, Milei ka shkatërruar shpenzimet publike, duke u zotuar se do të ruajë një deficit buxhetor zeropas disa vitesh shpenzime të tepërta.
Milei ishte lideri i parë i huaj që vizitoi Trump në pronën e tij në Mar-a-Lago në Florida pas fitores së republikanëve në zgjedhjet e nëntorit në SHBA.
Burimi ATSH
