Sot është Dita Ndërkombëtare për Eliminimin e Dhunës ndaj Grave.

Ministri i Drejtësisë, Ulsi Manja, nëpërmjet një postimi në rrjetet sociale, thekson se sot nisëm 16 ditët e aktivizmit kundër dhunës me bazë gjinore, duke riafirmuar angazhimin e Ministrisë së Drejtësisë për mbrojtjen e viktimave të krimit.

Sipas Manjës, Strategjia Ndërsektoriale e Mbrojtjes së Viktimave të Krimit 2024-2030 ka si objektiv ndërtimin e një sistemi drejtësie të sigurt dhe gjithëpërfshirës, me fokus të veçantë tek gratë dhe vajzat.

Manaj nënvizon se duhet të ndërtojmë mekanizma efektivë që garantojnë një përgjigje të shpejtë ndaj dhunë me bazë gjinore.

“Përmes një qasjeje gjinore dhe forcimit të bashkëpunimit ndërinstitucional, po punojmë për të eliminuar dhunën ndaj grave dhe vajzave, duke ndërtuar mekanizma që garantojnë një përgjigje të shpejtë dhe efektive ndaj dhunës me bazë gjinore dhe sigurojnë mbrojtjen dhe rehabilitimin e viktimave në çdo fazë”- shkruan Manja.