Martina Kasnyik, ambasadore e Hungarisë në Shqipëri, vend i cili mban presidencën e Bashkimit Europian, tha se vendi i saj është i angazhuar që ta çojnë para procesin e integrimit të Shqipërisë në BE.

Gjatë takimit të 18-të të Komisionit Parlamentar të Stabilizim-Asociimit BE-Shqipëri, që po mbahet sot në Tiranë, diplomatja hungaraze tha se mirëpret një angazhim konstruktiv të Shqipërisë për t’u bërë një partner i rëndësishëm për BE-në.

“Në emër të presidencës së BE-së është nderi im që t’ju drejtohem sot, dua të shpreh vlerësimin tonë për angazhimin tuaj dhe aktivitetin e frytshëm. Realitete e reja gjeopolitike kanë nënvizuar rëndësinë e madhe të zgjerimit të BE-së. Ju keni mundësi që të realizohet gjithçka nëpërmjet dinamizmit të ri.

Vendet anëtare duhet të vazhdojnë përpjekjet e tyre në fushën e sundimit të ligjit, në përputhje me procesin e aderimit me ndihmën e BE-së. BE duhet të nënvizojë rëndësinë e reformave të brendshme për të siguruar që politikat tonë janë të përshtatshme për të ardhmen. Jemi të angazhuar ta çojmë para procesin e anëtarësimit të të gjithë partnerëve, përfshirë edhe Shqipërinë. Dua t’ju rikujtoj angazhimin pa ekuivok të anëtarësimit të vendeve të Ballkanit Perëndimor, si dhe për Shqipërinë, duke pasur parasysh përmbushjen e kritereve të BE-së”, tha Kasnyik.

(ATSH)