Kryetarja e Parlamentit, Elisa Spiropali priti sot në një takim kryetarin e Fondacionit Shqiptaro-Amerikan për Zhvillim, Michael Granoff, në vijim të festimeve për 15-vjetorin e AADF që u shënua dje.

Spiropali bëri të ditur se gjatë takimit u diskutua për themelet e një bashkëpunimi për herë të parë, mes Kuvendit dhe LEAD Albania, një program unik që synon përgatitjen e profesionistëve të rinj të vendit, duke u ofruar si fillim të përzgjedhurve një kontratë një-vjeçare, në funksionin e këshilltarit, në institucione kryesore si Kryeministria, Presidenca, ministritë dhe Bashkia e Tiranës.

Kryeparlamentarja shprehu dhe mirënjohjen për mbështetjen që AADF ka dhënë për Shqipërinë gjatë këtyre 15 viteve, në shumë fusha dhe projekte kombëtare.

(ATSH)