Jonas Kepi është shndërruar në një figurë kyçe të diplomacisë rinore dhe aktivizmit ndërkombëtar.

Duke shërbyer si Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në, Jonas ka përfaqësuar vendin e tij në një sërë eventesh të nivelit të lartë, nga samitet diplomatike deri tek konferencat ndërkombëtare.

Jonasi ka qenë pjesëmarrës në ngjarje të rëndësishme si Samiti i NATO-s në Vilnius, Forumi Rinor i ECOSOC-ut në Kombet e Bashkuara, si dhe Samiti i Procesit të Berlinit, ku ka ndihmuar në ndërtimin e lidhjeve të reja mes të rinjve dhe liderëve globalë.

Së fundmi, ai ka marrë pjesë edhe në Konferencën e 51-të të INTERPOL-it në Evropë, duke përfaqësuar Ballkanin Perëndimor, një arritje e jashtëzakonshme për një të ri në këtë moshë.

Përveç diplomacisë, Jonas Kepi ka punuar gjithashtu për fuqizimin e rinisë përmes platformës së tij, SAS (Special Achievement Services), një organizatë që ka ndihmuar qindra të rinj në Shqipëri dhe rajon me mundësi punësimi, bursa dhe projekte të ndryshme që i përgatisin ata për të ardhmen.

Përmes SAS, ai ka realizuar projekte që synojnë zhvillimin e qëndrueshëm, siç janë nismat për mobilitetin dhe energjinë e gjelbër në Shqipëri.

Angazhimi i tij në diplomacinë ndërkombëtare dhe lidershipi në komunitetin rinor kanë bërë që Jonas të jetë një zë i fuqishëm për përfshirjen e të rinjve në proceset vendimmarrëse në Shqipëri dhe më gjerë.

Përveç aktiviteteve të tij diplomatike, ai po ndjek studimet në Administrim Biznesi dhe aspiron të krijojë një impakt pozitiv në zhvillimin ekonomik dhe diplomatik të vendit.

Duke pasur një vizion të qartë për një të ardhme më të mirë për Shqipërinë dhe Ballkanin Perëndimor, Jonas Kepi po frymëzon një brez të ri liderësh që të angazhohen dhe të kontribuojnë në zhvillimin dhe integrimin e vendit në Bashkimin Europian dhe organizatat e tjera ndërkombëtare.