Ambasadori i Shqipërisë në Serbi, Dr. Bardhyl Canaj, zhvilloi një takim me Shefin e ri të Zyrës së Këshillit të Europës, me qendër në Serbi, Janos Babity.

Sipas njoftimit të ambasadës, Babity vlerësoi treguesit e progresit që po bën Shqipëria në forcimin e shtetit të së drejtës

Komiteti Monitorues i Asamblesë Parlamentare të Këshillit të Europës, vendosi pak ditë më parë të mbështesë unanimisht kalimin e Shqipërisë në fazën e dialogut të postmonitorimit.

POSTIMI I AMBASADËS SHQIPTARE

Ambasadori Canaj mirëpriti në Përfaqësi Shefin e ri të Zyrës së Këshillit të Europës, me qendër në Serbi, Z.Janos Babity, i cili vlerësoi treguesit e progresit që po bën Shqipëria në forcimin e shtetit të së drejtës, të drejtave të njeriut dhe përkushtimin për të të përmirësuar më tej standartet demokratike në rrugën drejt integrimit europian. Bazuar në këto arritje, nënvizoi Z.Babity, Komiteti Monitorues i Asamblesë Parlamentare të Këshillit të Europës, vendosi pak ditë më parë të mbështesë unanimisht kalimin e Shqipërisë në fazën e dialogut të postmonitorimit.

Në vijim takimi produktiv u fokusua në agendën që Zyra e Këshillit të Europës dhe Shteti i Serbisë po punojnë për plotësimin e plotë të kritereve që pëmbajnë kapituj 33 dhe 34 të proçesit të integrimit në B.E, që i shërbejnë përmirësimit të standarteve të jetesës e të drejtave humane të komuniteteve dhe minoriteteve që bashkëjetojnë në Serbi.