Ambasadorja e Republikës së Shqipërisë në Bullgari, Inid Milo, i dorëzoi letrat kredenciale Presidentit të Republikës së Bullgarisë, Rumen Radev.

Pas ceremonisë, Ambasadorja Milo pati një takim kortezie me Presidentin Radev ku u diskutua për dinamikën e bashkëpunimit dypalësh mes Shqipërisë dhe Bullgarisë u theksuan marrëdhëniet e veçanta mes dy vendeve.

Biseda me Presidentin Radev u ndal në mundësinë e realizimit të projekteve të përbashkëta në të ardhmen, veçanërisht në fushën e transportit dhe ndërlidhjes rajonale. Presidenti bullgar shprehu edhe një herë mbështetjen e Bullgaris[ për rrugëtimin evropian të Shqipërisë.