Rritje e bashkëpunimit gjyqësor në Ballkanin Perëndimor

Projekti për Drejtësinë Penale në Ballkanin Perëndimor (WBCJ)


Projekti për Drejtësinë Penale në Ballkanin Perëndimor (WBCJ) nisi me një konferencë prezantimi, ku morën pjesë përfaqësues të nivelit të lartë të partnerëve rajonalë dhe të disa institucioneve të Bashkimit Evropian.

Kjo nismë, e financuar nga Komisioni Evropian dhe e zbatuar nga Eurojust, synon të forcojë bashkëpunimin gjyqësor brenda Ballkanit Perëndimor, si edhe midis rajonit dhe BE-së në luftën kundër krimit të organizuar dhe terrorizmit. Vendet pjesëmarrëse janë Shqipëria, Bosnjë-Hercegovina, Kosova, Maqedonia e Veriut, Mali i Zi dhe Serbia.

Konferenca e prezantimit shënoi mbylljen e fazës së hartimit dhe nisjen zyrtare të aktiviteteve operative të projektit.

Në të morën pjesë delegacione të partnerëve nga Ballkani Perëndimor si dhe përfaqësues nga Drejtoria e Përgjithshme për Fqinjësinë dhe Negociatat për Zgjerimin, nga Drejtoria e Përgjithshme për Drejtësi dhe Konsumatorët dhe nga Presidenca Suedeze e Këshillit të Bashkimit Evropian.

Presidenti i Eurojust, Ladislav Hamran, tha se “ndërsa dimensioni ndërkombëtar i krimit të organizuar vazhdon të rritet, është e rëndësishme që shërbimet e prokurorisë të krijojnë partneritete përtej kufijve”.

Ajo theksoi se me këtë projekt, Eurojust do të ofrojë pjesë të rëndësishme të instrumentit të BE-së për bashkëpunimin gjyqësor ndërkufitar, si p.sh., njohuritë dhe mjetet për të ngritur ekipe të përbashkëta hetimore, për prokurorët dhe gjyqtarët në të gjithë Ballkanin Perëndimor.

“Lufta për sundimin e ligjit dhe kundër krimit të organizuar është një luftë e përbashkët dhe ne presim të shikojmë rezultatet operative që do të vijnë më pas”, nënvizoi Hamran.

Projekti WBCJ (titulli i plotë: Rritja e bashkëpunimit ndërkufitar në drejtësinë penale në Ballkanin Perëndimor) është një projekt i IPA III me një buxhet prej 6 milionë eurosh dhe një kohëzgjatje prej katër vjetësh (me zgjatje të mundshme). Ai përqendrohet te një grup kontakti praktikuesish nga rajoni i Ballkanit Perëndimor, të cilët janë përgjegjës për identifikimin e çështjeve të përbashkëta që do të përfitonin nga një koordinim i zgjeruar. Këto çështje të përzgjedhura marrin mbështetje financiare dhe ekspertizë nga Eurojust për të ndihmuar hetimet/ndjekjet penale të koordinuara dhe paralele, si dhe ekipet e përbashkëta të hetimit. Faza e hartimit filloi në shtator 2022 me disa vizita konsultimi të nivelit të lartë nga Presidenca e Eurojust në gjashtë vendet partnere të Ballkanit Perëndimor, themelimin e ekipit të projektit të Eurojust dhe të grupit të kontaktit, si dhe miratimin e planit të parë të punës.

Nëpërmjet projektit WBCJ, Eurojust kërkon të angazhohet më tej me partnerët e saj në Ballkanin Perëndimor dhe të sjellë mjetet e bashkëpunimit gjyqësor të BE-së më pranë praktikuesve në rajon, si dhe të ndërtojë besimin midis aktorëve përkatës gjyqësorë. /ATSH

Begaj takim me Sulyok: Hungaria, mbështetje të palëkundur anëtarësimit të Shqipërisë në BE

Presidenti i Republikës, Bajram Begaj nisi sot një vizitë zyrtare në Hungari, ku u prit nga homologu i tij Tamás…

Global 360

Protesta në Hagë, Rama: Asgjë tjetër përveç drejtësisë, për Kosovën dhe çlirimtarët e saj

Kryeministri Edi Rama deklaroi sot se shqiptarët kërkojnë vetëm drejtësi për Kosovën dhe çlirimtarët e saj.

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Humanizmi sot në shoqëri sfidë për njerëzimin!

Humanizmi sot nuk është thjesht një koncept filozofik, por një nevojë absolute shoqërore dhe morale.

Profil

Elisabeta Katiaj – Zëri i gruas në biznes dhe në diasporë

Si nënkryetare e Dhomës së Biznesit të Diasporës Shqiptare, Katiaj ka ndihmuar në ngritjen e një platforme të fortë për…

Masmedia

Begaj takim me Sulyok: Hungaria, mbështetje të palëkundur anëtarësimit të Shqipërisë në BE

Presidenti i Republikës, Bajram Begaj nisi sot një vizitë zyrtare në Hungari, ku u prit nga homologu i tij Tamás…