Drejtori i Përgjithshëm i Shërbimit të Transportit Rrugor (DPSHTRR) Blendi Gonxhja, gjatë një takimi me Wendy Jia (Senior Urban Transport Specialist, WB) dhe Artan Guxho, përfaqësues të Bankës Botërore diskutuan gjerësisht mbi sfidat në sektorin e transportit publik.

“Ndava vizionin e DPSHTRR-së dhe gatishmërinë maksimale për përfshirje konkrete me të gjitha kapacitetet në programet e Bankës Botërore në këtë fushë”, u shpreh Gonxhja.

Përfaqësuesit e Bankës Botërore pasi u njohën me reformat e ndërmarra nga Automotorizmi Shqiptar shprehën vullnetin e plotë për të mbështetur sektorin.

Përmes projekteve në infrastrukturën e transportit publik, levizshmërisë së gjelbërt, digjitalizimit të sistemeve operative dhe modernizimin e shërbimeve, si dhe asistencës teknike dhe financiare, BB synon të kontribuojë në zbatimin e praktikave më optimale dhe shembujt e suksesit në vendet e mbështetura prej saj.

Brenda qershorit 2023 do të përzgjidhen e më pas propozohen fisha konkrete për mbështetje, në bashkërendim me MIE dhe DPSHTRR.