Kryetari i Partisë së Lirisë, Ilir Meta u shpreh mbrëmjen e sotme në një intervistë televizive se është e padiskutueshme fitorja në Tiranë, Durrës, Elbasan, duke iu referuar zgjedhjeve të 14 majit.

Ai shprehu bindje për fitore të koalicionit “Bashkë Fitojmë” edhe në bashkitë e Pogradecit dhe Korcës, ndërsa tha se në Sarandë, kandidati i Ramës do të dalë i treti.

Meta foli edhe për gjendjen e opozitës dhe humbjet e mëparshme në zgjedhje.

“Opozita nuk ka humbur në 2021 por ishte e shitur. Opozita ka qenë e tradhtuar ndërkohë që tani është një garë e vërtetë”, u shpreh Meta.

“Cdo socialist e di shumë mirë që kjo histori e vitit 2000, në vitin 2000 u bë kryetar i bashkisë së Tiranës. Në vitin 2007 u bë prapë. Në vitin 2013, në 2017 kur u bëra president. e kishte ministrinë e Brendshme, me Saimir Tahirin dhe kompani, pse nuk e hapi. Floriri e dinë të gjithë është në Surrel. Floriri është tek 400 milionë eurot e inceneratorëve. Unë denoncimet e mia i bëj me emër me mbiemër dhe me numra llogarie”, tha Meta duke iu referuar akuzave të Kryeministrit Rama.

“Ka mbaruar kjo histori. Ai asnjëhere nuk ka fituar zgjedhje. Ose i ka vjedhur ose i ka blerë. Kjo histori ka mbaruar nuk ka diskutim. Në radhë të parë socialistët që e kanë kuptuar që janë uzurpuar nga një bandë. Nuk kemi cfarë t’i bëjmë. E gjithë përpjekja e tij ishte që opozita nuk ishte në zgjedhje. Ai ka një problem të madh me Liken sepse 6 marsi ia prishi skemën”, tha Meta. /ATSH