Pakica kombëtare arumune është pjesë përbërëse e popullit dhe e shtetit shqiptar.

Ata kanë kontribuar pozitivisht në historinë e shekujve të fundit në vendin tonë e veçanërisht në Rilindjen Kombëtare dhe Pavarsinë e Shqipërisë. Pakica kombëtare arumune i përket besimit Orthodhoks.

Një pjesë e madhe e arumunëve janë plotësisht të asimiluar thjesht në shqipfolës kryesisht të besimit orthodhoks. Flamuri tradicional familjar popullor dhe komunitar i arumunwve, është nga më të vjetërit e Ballkanit dhe të Europës.

Simboli i diellit me tetë rreze dhe kufizimet nga tre anë me kordone të kuq, të verdhë dhe blu, është tregues i qartë i përkushtimit të këtij populli ndaj diellit si burim i jetës dhe ngrohtësisë. Ky flamur i paraprin flamurit me yllin e Verginës i cili u zbulua vetem ne fund te viteve 1970.

Flamure të tjerë të arumunëve janë ata që janë përdorur në festat e tyre qysh nga paganizmi e deri në ditët tona, i bardhi, i verdhi, i kuqi dhe i kaltëri. Flamuri me Diell, ishte kryesori që nxirrej me ceremoni kënge dhe muzike në festat e mëdha të vllehëve si ajo e dasmës familjare arumune.

Flamuri pasurohej me lule dhe tre kokërra molle të vendosura në kryqin e krijuar në kokën e flamurit. Mollët janë fruti i dashurisë dhe erotikës që ka origjinën qysh nga interpretimi i krijimit të botës nga Adami dhe Eva.

Fruti i dashurisë, molla është simbol i prekur edhe nga vete Sokrati i madh. Kur Sokrati shkoi për të marrë gruan e tij nuse, ai mbante në dorë një mollë të kuqe të madhe.

Pakica kombëtare arumune ka dhënë gjithmonë një kontribut të shquar në shoqërinë shqiptare dhe nga kjo pakicë kanë dalë figura të spikatura në fushën e arsimit, kulturës, shkëncës, sporteve etj.

Marre nga faqja zyrtare Komiteti për Pakicat Kombëtare